1-25 03 75 Бухгалтарскi ўлiк i кантроль у прамысловасцi
Прафесія бухгалтара – адна з самых запатрабаваных на рынку працы. У любой арганізацыі штатны расклад уключае бухгалтара, а ў буйных арганізацыях – нават некалькіх, кожны з якіх займаецца пэўным участкам работ. Праца бухгалтара шматпланавая: улік асноўных сродкаў, матэрыяльных каштоўнасцяў, разлікі з пастаўшчыкамі і заказчыкамі, налічэнне заработнай платы, адлічэнне падаткаў і г.д.
Спецыяльнасць перападрыхтоўкі «Бухгалтарскі ўлік і кантроль у прамысловасці» – гэта прафесійнае і спецыялізаванае навучанне, накіраванае на фарміраванне базавых ведаў і навыкаў спецыялістаў у галіне ўліку, кантролю і кіравання фінансамі, а таксама азнаямленне з міжнароднымі патрабаваннямі да прафесіі бухгалтара – міжнароднымі сертыфікацыямі CAP, CIPA, DipIFR, АССА, для працы як у арганізацыях Рэспублікі Беларусь, так і за мяжой.
Да мэтавай аўдыторыі можна аднесці:
- бухгалтараў, якія не маюць адпаведнай кваліфікацыі;
- прадпрымальнікаў і кіраўнікоў, якія хочуць больш прафесійна кантраляваць выдаткі;
- усіх тых, хто хацеў бы стаць прафесійным бухгалтарам;
- студэнтаў старэйшых курсаў вышэйшых навучальных устаноў.
Навучанне па дадзенай спецыяльнасці дазваляе сфармаваць у слухачоў прафесійныя кампетэнцыі ў галіне ўлікова-аналітычнай працы, фінансава-гаспадарчага кантролю і аўдыту, ўкаранення інавацыйных формаў і метадаў ўліку ў прамысловасці.
Выпускнікі спецыяльнасці «Бухгалтарскі ўлік і кантроль у прамысловасці» могуць паспяхова: а) забяспечваць карыстальнікаў бухгалтарскай справаздачнасці супастаўнай і дакладнай бухгалтарскай інфармацыяй; б) выконваць працу па вядзенні бухгалтарскага і падатковага ўліку, у тым ліку і з выкарыстаннем сучасных камп'ютэрных тэхналогій; в) праводзіць эканамічны аналіз, кантрольна-рэвізійныя дзеянні па праверцы фінансава-гаспадарчай дзейнасці і ажыццяўляць ўнутраны аўдыт арганізацыі; г) удзельнічаць у распрацоўцы і ажыццяўленні мерапрыемстваў, накіраваных на захаванне фінансавай дысцыпліны і рацыянальнае выкарыстанне рэсурсаў; д) фармуляваць эканамічныя задачы, якія вырашаюцца з дапамогай інфармацыйных тэхналогій.
У выніку навучання вы атрымаеце:
- якасныя сучасныя веды;
- практычныя навыкі бухгалтарскай-аналітычнай працы;
- інфармацыю пра патрабаванні да прафесіі бухгалтара на міжнародным узроўні, міжнародных сертыфікацый і магчымасць наступнага навучання на курсах павышэння кваліфікацыі з мэтай атрымання CAP, CIPA, DipIFR, АССА;
- дыплом дзяржаўнага ўзору БДЭУ аб прафесійнай перападрыхтоўцы з прысваеннем кваліфікацыі «бухгалтар-эканаміст».
Тэрмін навучання – 18 месяцаў.
У працэсе навучання слухачы вывучаюць наступныя дысцыпліны:
- Аналіз гаспадарчай дзейнасці ў прамысловасці
- Асновы ідэалогіі беларускай дзяржавы
- Асновы статыстыкі
- Бухгалтарская і статыстычная справаздачнасць у прамысловасці
- Бухгалтарскі кіраўнічы ўлік у прамысловасці
- Бухгалтарскі ўлік у прамысловасці
- Камп'ютарныя праграмы ў бухгалтарскім уліку і кантролі
- Міжнародныя стандарты аўдыту
- Міжнародныя стандарты фінансавай справаздачнасці
- Нацыянальная эканоміка Беларусі
- Падаткі і падаткаабкладанне
- Прававое рэгуляванне гаспадарчай дзейнасці
- Тэарэтычныя асновы бухгалтарскага ўліку
- Фінансава-гаспадарчы кантроль у прамысловасці
- Фінансы і фінансавы менеджмент
- Цэнаўтварэнне
- Эканоміка арганізацыі
Тэл.: (+375 17) 209-88-16,
ПРЫЁМНАЯ КАМІСІЯ
Тэл.: (+375 17) 209-88-99