1-26 02 90 Бiзнес-iнфарматыка
Умовы функцыянавання нацыянальнай эканомікі ў цяперашні час істотным чынам адрозніваюцца ад таго, якімі яны былі ўсяго некалькі гадоў таму. У цяперашні час існуе неабходнасць наяўнасці спецыялістаў, якія ажыццяўляюць прафесійную дзейнасць на стыку інфарматыкі, эканомікі і менеджменту. Менавіта такія спецыялісты рыхтуюцца па новай сучаснай спецыяльнасці перападрыхтоўкі «Бізнес-інфарматыка», якая ўяўляе сабой найноўшы падыход да пабудовы і прымянення інфармацыі і камунікацыі ў бізнес працэсах.
«Бізнес-інфарматыка» – гэта спецыяльнасць, прадметнай вобласцю якой з'яўляецца ажыццяўленне фінансава-эканамічнай, кіраўніцкай і знешнеэканамічнай дзейнасці на прадпрыемстве прамысловасці з прымяненнем інфармацыйных тэхналогій. Бізнес-інфарматыку як практычны кірунак дзейнасці адрознівае праца не толькі ў галіне інфармацыйных тэхналогій, але таксама ў галіне эканамічных і кіраўніцкіх задач. Каштоўнасць спецыялістаў па бізнес-інфарматыцы ў веданні такіх міждысцыплінарных аспектаў, як: сістэмны аналіз, бізнес-аналіз, аптымізацыя і мадэляванне бізнес-працэсаў, архітэктура прадпрыемства, кіраванне IT-інфраструктурай, сэрвіснае кіраванне, кіраванне праектамі, карпаратыўнае кіраванне IT, кіраванне каштоўнасцю IT і г.д.
Сярод патэнцыйных абласцей прафесійнай дзейнасці ў сферы бізнес-інфарматыкі: распрацоўка і падтрымка аўтаматызаваных сістэм у арганізацыях, праца ў сістэмных інтэгратарах, аддзелах продажаў буйных фірмаў, забеспячэнне бяспекі і цэласнасці апрацоўкі дадзеных, распрацоўка і падтрымка бухгалтарскіх і падатковых сістэм, стварэнне ўласнай IT-кампаніі і т.п.
Т.ч. атрыманыя веды дазваляюць дадзеным спецыялістам эфектыўна арганізаваць свой бізнэс, ажыццяўляць у арганізацыі сучасную эканамічную і кіраўнічую дзейнасць з выкарыстаннем інфармацыйных тэхналогій. Атрыманая кваліфікацыя дазваляе займаць вядучыя пазіцыі ў працэсе падбору, укаранення і прафесійнага суправаджэння карпаратыўных інфармацыйных сістэм, у тым ліку аўтаматызаваныя сістэмы кіравання. Акрамя таго, такія спецыялісты гатовыя да стварэння, вядзення і прасоўвання электроннага бізнесу, аж да пабудовы «лічбавых прадпрыемстваў».
Спецыяльнасць перападрыхтоўкі 1-26 02 90 «Бізнес-інфарматыка» адносіцца да групы спецыяльнасцяў «Бізнес-кіраванне» напрамка адукацыі «Кіраванне». Тэрмін навучання –18 месяцаў. Па заканчэнні навучання выдаецца дыплом аб перападрыхтоўцы, устаноўленага Міністэрствам адукацыі Рэспублікі Беларусь узору, з прысваеннем кваліфікацыі – менеджар-эканаміст.
Навучанне па дадзенай спецыяльнасці дазваляе сфармаваць у слухачоў прафесійныя кампетэнцыі ў галіне планава-эканамічнай, арганізацыйна-кіраўніцкай, інфармацыйна-аналітычнай і праектнай дзейнасці ў арганізацыях.
Перспектыў у спецыялістаў такога роду даволі шмат. На дадзены момант больш за ўсё яны запатрабаваныя ў сферах вытворчасці высокатэхналагічных тавараў, у сучаснай прамысловасці, у банкаўскай і IT-сферах.
У працэсе навучання слухачы вывучаюць наступныя навучальныя дысцыпліны:
- Эканоміка развіцця
- Прававое рэгуляванне гаспадарчай дзейнасці
- Камп'ютарныя інфармацыйныя тэхналогіі
- Бухгалтарскі ўлік
- Падаткі і падаткаабкладанне
- Фінансы арганізацыі
- Маркетынг
- Аналіз гаспадарчай дзейнасці
- Эканоміка арганізацыі
- Эканоміка электроннага бізнесу
- Кіраванне сучаснай вытворчасцю
- Стратэгічны менеджмент
- Інфармацыйны менеджмент
- Бізнес-планаванне і інвестыцыі
- Сістэмы аўтаматызаванага кіравання арганізацыяй
- Асновы праектавання аўтаматызаваных сістэм кіравання арганізацыяй і інш.
Асаблівасцю спецыяльнасці «Бізнес-інфарматыка» з'яўляецца падрыхтоўка універсальных менеджэраў-эканамістаў, якія не абмяжоўваюцца якой-небудзь адной сферай эканомікі і здольных адаптавацца да любой прафесійнай дзейнасці.
Тэл.: (+375 17) 209-88-16,
ПРЫЁМНАЯ КАМІСІЯ
Тэл.: (+375 17) 209-88-99