Вольны час студэнтаў
Студэнцкі клуб БДЭУ – гэта шматгадовы кангламерат таленавітых супрацоўнікаў і адораных студэнтаў. Асноўная дзейнасць клуба накіравана на развіццё мастацкай творчасці студэнтаў, павышэнне маральных асноў духоўнага выхавання моладзі, падтрымку культурных традыцый нашай рэспублікі і стварэнне атмасферы дабра і тварэння.
За апошнія 5 гадоў калектывы студэнцкага клуба ўдзельнічалі ў фестывалях народнай творчасці «Сузор'е», гарадскіх конкурсах патрыятычнай песні і вакалістаў «Залатая ліра», рэспубліканскім фестывалі-конкурсе «Арт-вакацыі», рэспубліканскіх конкурсах «Зорка ўзышла над Беларуссю» і «Новыя імёны Беларусі», міжнародных конкурсах харавых калектываў «Папараць кветка» і самадзейнай творчасці «Мы разам».
Калектывы мастацкай самадзейнасці прымаюць удзел у дабрачынных канцэртах, спектаклях, раённых, гарадскіх, рэспубліканскіх культурна-масавых мерапрыемствах. Традыцыйнымі сталі справаздачныя канцэрты калектываў. Харэаграфічныя калектывы прынялі ўдзел у рэспубліканскай тэлевізійнай акцыі «Збяры Беларусь у сваім сэрцы». Ансамбль народнай песні «Горліца» прымаў удзел у тэлевізійных праектах «Вечары ў Мірскім замку» і ў нацыянальным конкурсе «Міс Беларусь».
Пры актыўным садзейнічанні і ўдзеле работнікаў студэнцкага клуба ва ўніверсітэце актыўна развіваюцца творчыя студэнцкія праекты: конкурс «Студэнт года», фестываль на лепшую тэматычную праграму «Восеньскі марафон», конкурс «Віват, першакурснік!», конкурс грацыі і артыстычнага майстэрства «Міс БДЭУ», фестываль мастацкай творчасці «Студэнцкая вясна БДЭУ».
Тэл.: (+375 17) 209-88-16,
ПРЫЁМНАЯ КАМІСІЯ
Тэл.: (+375 17) 209-88-99