23.09.2022
Паэтычная сустрэча да Тыдню роднай мовы ў БДЭУ
23 верасня ў бібліятэцы БДЭУ адбылася сустрэча кіраўніцтва і студэнтаў ІСГА і УЭФ з беларускім паэтам, навукоўцам, выкладчыкам Мінскага гарадскога педагагічнага каледжа Андрэем Уладзіміравічам КІМБАРАМ.
Андрэй Уладзіміравіч прадэкламаваў свае вершы, апублікаваныя ў беларускіх і замежных часопісах і зборніках. Студэнты Інстытута сацыяльна-гуманітарнай адукацыі і ўлікова-эканамічнага факультэта з вялікай цікавасцю слухалі маладога паэта. Асабліва спадабаўся аўдыторыі верш “Парада”:
Мой дзень і ноч змяшаліся даўно,
Што рэчаіснасць, што падман –
Не разумею нешта, дружа.
Адказам будзе просты план,
Які распрацавалі людзі:
“Жыццё нам дадзена адно,
Таму не засмучайся дужа”.
Акрамя таго, Андрэй Уладзіміравіч распавёў аб атрыманні адукацыі ў Беларускім дзяржаўным універсітэце па ўнікальнай для нашай краіны спецыяльнасці “Гісторыя (паліталогія)”, працы над кандыдацкай дысертацыяй, прысвечанай маладзёжнаму руху ў пасляваеннай Беларусі, шматлікіх педагагічных праектах. Як студэнты, так і выкладчыкі БДЭУ мелі магчымасць задаць свае пытанні Андрэю Уладзіміравічу. Сустрэча прайшла ў цёплай сяброўскай атмасферы!
Тэл.: (+375 17) 209-88-16,
факс: (+375 17) 368-01-60
ПРЫЁМНАЯ КАМІСІЯ
Тэл.: (+375 17) 209-88-99