18.05.2018

Алімпіяда па беларускай мове – 2018

27 красавіка 2018 г. адбылася ўніверсітэцкая алімпіяда па беларускай мове сярод студэнтаў І-га курса БДЭУ. Алімпіяда складалася з дзвюх частак – культуралагічнай і эканамічнай.

Першая частка алімпіяды – краіназнаўчая віктарына. Яна праводзілася з мэтай абуджэння ў студэнтаў цікавасці і любові да гісторыі і культуры беларускага народа. Удзельнікі павінныя былі выявіць веды і кемлівасць, каб адказаць на пытанні альбо рэканструяваць лакуны паводле празрыстых падказак. Асабліва прыемна адзначыць, што студэнты БДЭУ няблага ведаюць асветнікаў, культурных і грамадскіх дзеячаў Беларусі, якія сваёй плённай працай зрабілі вялікі ўнёсак у развіццё мовы, культуры і эканомікі Беларусі. Да прыкладу, удзельнікі збольшага адказалі на пытанні краіназнаўчай віктарыны пра акадэміка Яўхіма Карскага, у фундаментальнай працы якога ўпершыню была абгрунтаваная нацыянальная самабытнасць беларусаў як самастойнага славянскага народа (“Беларусы”, 1903 – 1922); пра акадэміка Браніслава Тарашкевіча, аўтара першай друкаванай граматыкі для школ, што сталася пачатковым этапам нармалізацыі беларускага правапісу (1918); пра двух слынных беларускіх мецэнатаў пачатку ХХ ст. Караля Яна Гутэн-Чапскага і Эдварда Вайніловіча: першы быў мінскі гарадскі галава (1890 – 1901), дзякуючы дзейнасці якога праводзіліся нечуваныя датуль інтэнсіўныя работы па добраўпарадкаванні Мінска, а другі – буйны гаспадарчы і палітычны дзеяч, які тройчы абіраўся ў расійскую Дзяржаўную Думу, быў фундатарам пабудовы Чырвонага касцёла ў Мінску, што ў наш час распачаў працэс ягонай беатыфікацыі. Акрамя таго, навучэнцы пазнаёміліся з новымі фактамі беларускай культуры: нават студэнтка з Пастаўшчыны не ведала, што сусветна вядомы даследчык акіяну Жак Іў Кусто паходзіць з беларускага Азёрнага краю (вёска Дварчаны).

Другая частка – пісьмовая работа эўрыстычнага тыпу па гісторыі і сучасным стане беларускай эканамічнай тэрміналогіі, лексіка-граматычных і стылістычных сродках сучаснай беларускай літаратурнай мовы. Студэнты ахвотна развязвалі лінгвістычныя задачкі на аснове прафесійнай лексікі. Удзельнікі алімпіяды выявілі глыбокія веды па матэрыялах абедзвюх частак.

Пераможцам алімпіяды стала Карняйчук Таццяна – студэнтка ФЭМ, 1 курс, група ДКІ-3 (52,5 б.). Другое месца заняла Паўлава Ірына – студэнтка ФМк, 1 курс, група ДМЛ-2 (51 б.), а трэцяе апанавала Ляўчук Карына – студэнтка ФМк, 1 курс, група ДМР (47 б.). Дзяўчатам былі ўручаныя граматы і паштоўкі серыі “Не маўчы па-беларуску”.

Віншуем пераможцаў!

Кафедра беларускай і рускай моў

Предыдущие события

Календарь событий


Белорусский государственный университет культуры и искусств Белорусская медицинская академия последипломного образования Белорусский государственный медицинский университет Витебская ордена «Знак Почёта» государственная академия ветеринарной медицины Брестский государственный технический университет Брестский государственный университет имени А.С.Пушкина Витебский государственный ордена Дружбы народов медицинский университет Гомельский государственный университет имени П.О.Сухого Гродненский государственный аграрный университет Гродненский государственный медицинский университет Гродненский государственный университет имени Я.Купалы Могилёвский государственный университет продовольствия Мозырский государственный педагогический университет им. И.П. Шамякина Университет гражданской защиты МЧС РБ Могилевский институт МВД Академия управления при Президенте Республики Беларусь