БЕЛАРУСКI ДЗЯРЖАЎНЫ
ЭКОНАМIЧНЫ ЎНIВЕРСIТЭТ

17 ліпеня ў БДЭУ адбыўся штомесячны адзіны дзень інфармавання па тэме "Беларусь суверэнная: ад аднаўлення народнай гаспадаркі да інавацыйных праектаў будучыні".

У мерапрыемстве прынялі ўдзел упраўленне па ідэалагічнай і выхаваўчай рабоце пад кіраўніцтвам начальніка Васькова Дзяніса Мікалаевіча, прафесарска-выкладчыцкі склад, прадстаўнікі студэнцкага гарадка і актыў студэнцкай моладзі БДЭУ.

У ролі эксперта выступіў намеснік дэкана па ідэалагічнай і выхаваўчай рабоце ўлікова-эканамічнага факультэта Буеў Андрэй Леанідавіч. Разам з удзельнікамі дыялогу ён абмеркаваў важныя для дзяржавы пытанні. Андрэй Леанідавіч акцэнтаваў увагу слухачоў на пытаннях гістарычнай памяці, гістарычнай палітыкі і адзначыў, што за восем дзесяцігоддзяў мірнага існавання Беларусь дасягнула высокіх вынікаў у сферы эканомікі, палітыкі, аховы здароўя, адукацыі і г.д., сфарміравала імідж моцнай, паспяховай і стваральнай краіны.

Беларусь сёння - гэта ўласны спадарожнік, БелАЭС, Парк высокіх тэхналогій (вядучы IT-кластар у Цэнтральнай і Усходняй Еўропе), індустрыяльны парк "Вялікі камень", БНБК і многія іншыя інавацыйныя тэхналогіі і праекты, якія стаяць ля вытокаў нацыянальнай бяспекі краіны. На гістарычным шляху Беларусь перажыла найцяжэйшыя этапы, вытрымала палітычны і эканамічны націск і сёння ў нашых беларусаў ёсць унікальная магчымасць жыць у незалежнай краіне, якая самастойна вызначае сваю будучыню і прыярытэты. Умовай захавання суверэнітэту і незалежнасці з'яўляецца народнае адзінства. Час выбраў нас і мы гатовы да новых здзяйсненняў разам!