Музей гісторыі БДЭУ

Загадчык музея

  Ламаносава Ала Канстанцінаўна

 

Гісторыя ўтварэння музея пачынаецца са студзеня 1987 года, калі загадам рэктара 47-А ад 24.01.1987 быў створаны кабінет гісторыі Беларускага дзяржаўнага інстытута народнай гаспадаркі імя В.Ул. Куйбышава. У маі 1997 года загадам рэкіара 163-А ад 16.05.1997 быў створаны музей гісторыі БДЭУ.

Музей захоўвае, прэзентуе, папулярызуе культурную і навуковую спадчыну ўніверсітэта і яго традыцыі. Дзейнасць музея накіравана на служэнне мэтам навукі, выхавання моладзі ў духу любові да Радзімы, да сваёй прафесіі.

Работа музея праводзіцца ў адпаведнасці з дзеючымі нарматыўнымі і заканадаўчымі актамі Рэспублікі Беларусь, Статутам універсітэта, лакальнымі нарматыўнымі актамі ўніверсітэта, Палажэннем аб музеі гісторыі БДЭУ.

Экспазіцыя музея з’яўляецца базай для вучэбнай і навукова-даследчай працы студэнтаў, аспірантаў і прафесарска-выкладчыцкага складу ўніверсітэта.

Асноўны фонд музея налічвае 1865 адзінак захоўвання, навукова-дапаможны фонд – 3254 адзінкі захоўвання, фотаархіў – звыш 5000 фатаграфій. Калекцыя музея пастаянна дапаўняецца новымі музейнымі прадметамі, якія перадаюць на захоўванне супрацоўнікі і выпускнікі ВНУ. Музейная калекцыя з’яўляецца складовай часткай музейнага і архіўнага фондаў Рэспублікі Беларусь.

У музеі шырока праводзіцца культурна-адукацыйная і навукова-асветніцкая работа: музейныя заняткі, лекцыі, мерапрыемствы на разнастайную тэматыку, аглядныя, тэматычныя і прафарыентацыйныя экскурсіі, гутаркі са студэнтамі, сустрэчы студэнцкай моладзі з ветэранамі Вялікай Айчыннай вайны і працы, воінамі-інтэрнацыяналістамі, выпускнікамі мінулых гадоў. Музей наведваюць замежныя госці ўніверсітэта з розных краін і ВНУ свету.

Музей інтэграваны ў вучэбны працэс. Праз свае музейныя фонды, рознабаковыя формы работы ён забеспячае навочнасць у выкладанні, садзейнічае лепшаму засваенню вучэбнага матэрыялу, г.зн. прымае ўдзел у падрыхтоўцы высокакваліфікаваных спецыялістаў.

У музеі распрацаваны спецыяльныя экскурсіі для студэнтаў 1 курса. Студэнты знаёмяцца з гістарычным мінулым роднага ўніверстэта, з прыкладамі з жыцця і дзейнаяці старэйшага пакалення. Гэтыя экскурсіі маюць вялікае значэнне для першакурснікаў, асабліва для замежных студэнтаў, так як садзейнічаюць іх лепшай адаптацыі ў новым універсітэцкім асяроддзі, матывіруюць да атрымання паспяховых вынікаў у вучобе.

Наш музей-гэта візітная картка, рэклама універсітэта, месца, дзе сустракаюцца мінулае, сучаснасць і будучыню. У ім паказана багатая і насычаная падзеямі гісторыя, якая адлюстроўвае атмасферу эпох, дзейнасць многіх выбітных людзей свайго часу. У музеі можна ўбачыць гісторыю развіцця ўніверсітэта ад з'яўлення першых факультэтаў эканамічнага профілю на тэрыторыі Беларусі да сучаснага стану. У ім адлюстраваны ўнікальныя асаблівасці ВНУ, пазначана месца БДЭУ ў сістэме вышэйшай адукацыі Рэспублікі Беларусь, прадэманстраваны дасягненні людзей, звязаных лёсам з універсітэтам, г. зн. уся гісторыя якую набыў Універсітэт за гады свайго існавання.

Угодкі

2021.10.14 Развіццё карпаратыўнай культуры пачынаецца з гісторыі.

У пачатку навучальнага года студэнты 1 курса традыцыйна наведваюць Музей гісторыі універсітэта. Бо развіццё карпаратыўнай культуры пачынаецца з гісторыі сваёй alma-mater. Куратары факультэта эканомікі і менеджменту Чугай Ірына Мікалаеўна і Березун Вольга Алексндровна для сваёй першай сустрэчы групы і знаёмства студэнтаў выбралі пляцоўку нашага Музея.

Падрабязнее..

2021.09.14 Знаёмства з alma mater пачынаецца...

Нягледзячы на істотнае развіццё высокіх тэхналогій у сучасным свеце, музеі ніколькі не страцілі сваё значэнне ў сферы агульнага развіцця чалавека як паўнавартаснай асобы. Пры гэтым музей фармуе пачуццё дачынення і павагі да мінулага.
13 верасня студэнты 1 курса факультэта права ў суправаджэнні свайго куратара, асістэнта кафедры грамадзянска-прававых дысцыплін Вольгі Алегаўны Паляшчук наведалі музей гісторыі Беларускага дзяржаўнага эканамічнага універсітэта.
Студэнты з задавальненнем азнаёміліся з гістарычным мінулым які стаў для іх родным адукацыйнай установы, з прадстаўленай музейнай экспазіцыяй.

Варта адзначыць, што экскурсія ў музей гісторыі БДЭУ вельмі значная для першакурснікаў факультэта, паколькі не толькі папулярызуе культурнае і навуковае спадчына нашага універсітэта, але і закладвае трывалую аснову эстэтычнага выхавання асобы. Усё гэта ў поўнай меры садзейнічае паспяховай адаптацыі да новай універсітэцкай асяроддзі

Кантакты

Адрас: пр. Партызанскi 26,  корп.1, ком. 304

Тэл.: +375 17 229 12 61

Пошта: форма зваротнай сувязі

 


Белорусский государственный университет культуры и искусств Белорусская медицинская академия последипломного образования Белорусский государственный медицинский университет Витебская ордена «Знак Почёта» государственная академия ветеринарной медицины Брестский государственный технический университет Брестский государственный университет имени А.С.Пушкина Витебский государственный ордена Дружбы народов медицинский университет Гомельский государственный университет имени П.О.Сухого Гродненский государственный аграрный университет Гродненский государственный медицинский университет Гродненский государственный университет имени Я.Купалы Могилёвский государственный университет продовольствия Мозырский государственный педагогический университет им. И.П. Шамякина Университет гражданской защиты МЧС РБ Могилевский институт МВД Академия управления при Президенте Республики Беларусь