Побыт замежных навучэнцаў

Універсітэт мае добра абсталяваную матэрыяльную базу, якая забяспечвае неабходныя ўмовы для вучобы і адпачынку навучэнцаў. Студэнцкі гарадок аб’ядноўвае 9 інтэрнатаў, з якіх адзін добраўпарадкаваны будынак займаюць упершыню паступіўшыя замежныя студэнты, аспіранты, слухачы падрыхтоўчага аддзялення і курсаў рускай мовы. 2-х і 3-х мясцовыя пакоі інтэрната аб’яднаныя ў блокі па 2 пакоі. Кожны блок абсталяваны ўсімі выгодамі. На паверсе абсталяваная кухня з электрычнай плітой. Акрамя таго, замежныя студэнты могуць жыць у іншых добраўпарадкаваных інтэрнатах разам з беларускімі студэнтамі па 2-3 чалавекі ў пакоі.

Наладзіць побыт і разнастаіць пазавучэбны час замежным навучэнцам дапамагаюць выхавальнік і культарганізатар інтэрната. Акрамя таго, у кожным інтэрнаце штогод абіраецца студэнцкі савет як орган студэнцкага самакіравання. Склад савета інтэрната, дзе пражываюць замежныя навучэнцы, фарміруецца з ліку студэнтаў старэйшых курсаў розных краін. Члены савета дапамагаюць замежным грамадзянам, якія толькі паступілі, адаптавацца да новых умоў пражывання, азнаёміцца з правіламі ўнутранага распарадку інтэрната, кантралююць іх выкананне, арганізуюць культурна-масавыя, спартыўныя мерапрыемствы, далучаюць замежных студэнтаў да грамадскага жыцця ўніверсітэта.

Харчаванне навучэнцаў ажыццяўляецца ва ўтульных студэнцкіх сталовых, кафэ, буфетах, кафетэрыі, якія функцыянуюць ва ўсіх вучэбных карпусах універсітэта.

Для арганізацыі самастойнай працы да паслуг замежных навучэнцаў прадастаўлены бібліятэка, чытальныя залы, куткі самападрыхтоўкі ў інтэрнаце. Замежныя грамадзяне могуць карыстацца імі нароўні з беларускімі студэнтамі.