Парадак прыёму
ва ўніверсітэт замежных грамадзян на вучэбныя факультэты і падрыхтоўчае аддзяленне

Для паступлення ў БДЭУ замежныя грамадзяне адкрываюць (пры неабходнасці) вучэбную візу на ўезд у Рэспубліку Беларусь. Такая віза адкрываецца на аснове атрыманага абітурыентам афіцыйнага запрашэння ўніверсітэта.
Для атрымання афіцыйнага запрашэння трэба не пазней за 1 кастрычніка гэтага года выслаць па факсе (+375 17) 209 79 71 або (+375 17) 209 78 19 з пазнакай “Для дэканата па рабоце з замежнымі навучэнцамі” наступныя дакументы:

1. заяву на афармленне запрашэння з пазначэннем факультэта (або падрыхтоўчага аддзялення) і спецыяльнасці (для першай ступені вышэйшай адукацыі), спецыяльнасці або магістарскай праграмы (для другой ступені вышэйшай адукацыі), формы навучання (вочна, завочна – для абітурыентаў вучэбных факультэтаў), поўнага паштовага адрасу, адрасу электроннай пошты ці нумара факса для сувязі і атрымання запрашэння;
2. копіі старонак пашпарта з асабістай інфармацыяй (з указаннем поўнага імя лацінскімі літарамі, нумара пашпарта, тэрміну яго дзеяння, краіны) і іх завераны пераклад на рускую мову;
3. копіі дакументаў аб адукацыі (поўнай сярэдняй, вышэйшай), іх завераны пераклад на рускую мову.

Пасля разгляду дасланых дакументаў Вам будзе даведзена інфармацыя аб падрыхтоўцы і адпраўцы афіцыйнага запрашэння.

Па прыбыцці ва ўніверсітэт неабходна разам з арыгіналам запрашэння прадставіць у дэканат па рабоце з замежнымі навучэнцамі наступныя дакументы:

1. арыгінал пасведчання (дакумента) аб адукацыі і яго натарыяльна завераны пераклад на рускую мову з пералікам вывучаных прадметаў і атрыманых па іх на экзаменах адзнак (балаў);
2. арыгінал і натарыяльна завераную копію пасведчання аб нараджэнні;
3. медыцынскі сертыфікат аб стане здароўя (адсутнасці захворванняў на ВІЧ, туберкулёз, гепатыт, вірус Эбола*) і магчымасці пражывання ў кліматычных умовах Рэспублікі Беларусь, яго натарыяльна завераны пераклад на рускую мову;
4. пашпарт з вучэбнай візай на ўезд у Рэспубліку Беларусь;
5. 10 фотаздымкаў памерам 3 х 4 см.

* медыцынская даведка аб адсутнасці віруса Эбола прадастаўляецца па прыбыцці афрыканскімі абітурыентамі. Даведка сапраўдная на працягу 2 тыдняў з моманту выдачы.

Пачаць навучальны працэс замежны грамадзянiн можа пры выкананнi наступных умоў:

1. у дэканат па рабоце з замежнымі навучэнцамі прадстаўлены ўсе вышэйназваныя дакументы;
2. абітурыент азнаёмлены пад роспіс з правіламі знаходжання замежных грамадзян у Рэспубліцы Беларусь;
3. падпісаны Дагавор аб навучанні і ўнесена аплата кошту першага этапу навучання;
4. абітурыент мае медыцынскі страхавы поліс для атрымання хуткай і неадкладнай медыцынскай дапамогі (яго набываюць у адной з дзяржаўных страхавых арганізацый);
5. Падпiсаны загад аб залiчэннi замежнага грамадзянiна на навучанне ва ўнiверсiтэт;
6. Замежны грамадзянiн прайшоў абавязковы медыцынскi агляд у гарадской студэнцкай палiклiнiцы.

Замежныя грамадзяне, якія паступаюць на першую і другую ступені вышэйшай адукацыі, праходзяць гутарку па мове навучання ў аб’ёме сярэдняй школы. Пытанні і заданні ўступнай гутаркі фіксуюцца на аркушах вуснага адказу. Абітурыенту прапануецца 5 (пяць) пытанняў (заданняў), якія ацэньваюцца баламі ад 0 (нуля) да 10 (дзесяці). Асобы, якія атрымалі адзнаку 0 (нуль), 1 (адзін), 2 (два), 3 (тры) балы, да навучання на I і II ступенях вышэйшай адукацыі не дапускаюцца.

Замежныя грамадзяне, не залічаныя па выніках гутаркі на 1-ы курс, могуць быць прынятыя для навучання на падрыхтоўчым аддзяленні ўніверсітэта ў межах наяўных месцаў
Кошт навучання замежных грамадзян: