ВМУ па каардынацыі навучання замежных грамадзян

Дэкан:

Скрыба Наталля Мікалаеўна
кандыдат эканамічных навук
дацэнт

Створаны ў мэтах пашырэння экспарту прапанаваных Беларускім дзяржаўным эканамічным універсітэтам адукацыйных паслуг, забеспячэння якасці навучання і паляпшэння побыту замежных грамадзян, актывізацыі іх удзелу ў грамадскім жыцці ўніверсітэта. У цесным кантакце з дэканатам працуюць вучэбна-метадычнае ўпраўленне па міжнародных сувязях і супрацоўнікі ўсіх вучэбных факультэтаў. Кіруе працай дэканата к.э.н., дацэнт Скрыба Наталля Мікалаеўна.

Напрамкі дзейнасці дэканата:

арганізацыя прыёму на навучанне і засялення ў інтэрнат замежных грамадзян;
садзейнічанне ў арганізацыi навучальнага працэсу замежных навучэнцаў на факультэтах;
дапамога замежным навучэнцам у адаптацыі да працэсу навучання і пражывання ў Беларусі;
кансультаванне замежных абітурыентаў па пытаннях паступлення ва ўніверсітэт і навучання;
падтрыманне сувязі з бацькамі замежных навучэнцаў;
кантроль якасці побыту і вольнага часу замежных навучэнцаў.


Намеснік дэкана Каляда Алена Уладзіміраўна	Спецыяліст дэканата Ігнацьева Ганна Аляксандраўна	Спецыяліст дэканата Турчинская Анна Саниславовна	Спецыяліст дэканата Чарыеў Батырхан Бярды аглы

У цяперашні час ва ўніверсітэце навучаецца на розных формах атрымання адукацыі каля 1000 грамадзян з краін Еўропы, Азіі, Афрыкі, Амерыкі. БДЭУ прапануе кожнаму замежнаму абітурыенту шырокі выбар эканамічных факультэтаў і спецыяльнасцей. Замежныя грамадзяне робяць гэты выбар самастойна і атрымліваюць вышэйшую адукацыю ў акадэмічных групах разам з беларускімі студэнтамі.

Навучанне на I-й ступені вышэйшай адукацыі ажыццяўляецца толькі на рускай мове. Тым, хто паступае ў магістратуру і аспірантуру, акадэмічныя праграмы прапануюцца на рускай і англійскай мовах.

Усім, хто жадае вывучыць рускую мову, дапамагаюць кваліфікаваныя спецыялісты факультэта давузаўскай падрыхтоўкі і курсаў рускай мовы як замежнай.

На працягу ўсяго перыяду навучання замежныя студэнты ўдзельнічаюць у грамадскім, навуковым, спартыўным, культурным жыцці свайго факультэта і ўніверсітэта. Разам з беларускімі студэнтамі яны выступаюць на спаборніцтвах, алімпіядах, конкурсах і перамагаюць у іх; наведваюць тэатры, выставы, арганізуюць вечары адпачынку, выязджаюць на экскурсіі. Вялікую дапамогу ў адаптацыі да новых умоў навучання і побыту аказваюць студэнцкі савет і зямляцтва, дзейнасць якіх курыруе дэканат па рабоце з замежнымі навучэнцамі.

Мы рады вітаць усіх замежных грамадзян, якія жадаюць навучацца на беларускай зямлі, і дапамагаць ім усім, што ў нашых сілах! Да сустрэчы ў Беларускім дзяржаўным эканамічным універсітэце ))):