Парадак прыёму ў БДЭУ замежных грамадзян

1. У адпаведнасці з заканадаўствам Рэспублікі Беларусь у сферы адукацыі грамадзяне Расійскай Федэрацыі, Рэспублікі Казахстан, Кыргызскай Рэспублікі і Рэспублікі Таджыкістан, а таксама грамадзяне Украіны, якія пастаянна пражываюць на тэрыторыі Луганскай і Данецкай абласцей, маюць права паступаць на I ступень вышэйшай адукацыі ў БДЭУ на ўмовах, прадугледжаных для:
a) грамадзян Рэспублікі Беларусь, г. зн. за кошт сродкаў рэспубліканскага бюджэту альбо на ўмовах аплаты, прадугледжаных для грамадзян Рэспублікі Беларусь, па выніках уступных выпрабаванняў у форме цэнтралізаванага тэсціравання ці выпрабаванняў, якія праводзяцца ва УВА*;

б) замежных грамадзян і асоб без грамадзянства, г. зн. на ўмовах аплаты, прадугледжаных для “замежных грамадзян”, па выніках гутаркі, якая ўстанаўлівае ўзровень валодання імі мовай, на якой ажыццяўляецца адукацыйны працэс, у аб’ёме, дастатковым для асваення зместу адукацыйнай праграмы вышэйшай адукацыі.

* Грамадзяне Украіны, якія пастаянна пражываюць на тэрыторыі Луганскай і Данецкай абласцей, могуць паступаць у БДЭУ на бюджэтныя месцы, якія засталіся вакантнымі пасля заканчэння беларускай прыёмнай кампаніі.

2. Іншыя замежныя грамадзяне і асобы без грамадзянства, якія не пражываюць на тэрыторыі Рэспублікі Беларусь, могуць паступаць ва ўніверсітэт для атрымання вышэйшай адукацыі:

за кошт сродкаў бюджэту або на платнай аснове – у адпаведнасці з міжнароднымі дамовамі Рэспублікі Беларусь;
за кошт грантаў на навучанне — па вынiках адбору, якi праводзiцца у адпаведнасцi з парадкам, вызначаным Урадам Рэспублiкi Беларусь;
на платнай аснове – па выніках выніковай атэстацыі пры засваенні зместу адукацыйнай праграмы падрыхтоўкі асоб да паступлення ва УВА;
на платнай аснове – па выніках гутаркі, якая ўстанаўлівае ўзровень валодання імі мовай, на якой ажыццяўляецца адукацыйны працэс, у аб’ёме, дастатковым для засваення зместу адукацыйнай праграмы вышэйшай адукацыі.

3. Прыём дакументаў на навучанне ў БДЭУ, уступныя экзамены і залічэнне замежных грамадзян, указаных у пункце 1, і тых, хто паступае ў адпаведнасці з падпунктам а), ажыццяўляецца ў адпаведнасці з парадкам прыёму ў БДЭУ грамадзян Рэспублікі Беларусь, замежных грамадзян і асоб без грамадзянства, якія пастаянна пражываюць на тэрыторыі Рэспублікі Беларусь.

4. Замежныя грамадзяне, якія не здолелі паспяхова прайсці гутарку па рускай мове, могуць быць залічаныя на падрыхтоўчае аддзяленне ў агульным парадку.

5. Замежныя грамадзяне, якія паступаюць у магістратуру, акрамя гутаркі па рускай мове праходзяць дадатковую гутарку па профілі абранай спецыяльнасці.