Падрыхтоўчыя курсы
цэнтра давузаўскай падрыхтоўкі і прафесійнай арыентацыі УА “Беларускі дзяржаўны эканамічны ўніверсітэт”

Загадчык:

Галімская Ульяна Паўлаўна

Падрыхтоўчыя курсы цэнтра давузаўскай падрыхтоўкі і прафесійнай арыентацыі ажыццяўляюць сваю дзейнасць па наступных напрамках:

навучанне слухачоў курсаў падрыхтоўкі ў мэтах падрыхтоўкі да здачы ўступных іспытаў у форме экзамену і цэнтралізаванага тэсціравання па дысцыплінах
- матэматыка;
- руская мова;
- англійская мова;
- гісторыя Беларусі;
- грамадазнаўства.
Навучанне абітурыентаў вядзецца ў адпаведнасці з праграмамі, распрацаванымі на аснове праграм уступных іспытаў у ВНУ і школьных праграм для старэйшых класаў, зацверджаных Міністэрствам адукацыі Рэспублікі Беларусь.

На працягу навучальнага года выкладчыкі разам са слухачамі аналізуюць памылкі і адпрацоўваюць найбольш складаныя тэмы, якія патрабуюць асаблівай увагі; праводзяць бягучыя кансультацыі з мэтай удасканалення навыкаў і развіцця ўменняў выканання тэставых заданняў.
навучанне замежных слухачоў курсаў падрыхтоўкі ў мэтах падрыхтоўкі да здачы выпускных экзаменаў па дысцыплінах
- руская мова як замежная;
- руская мова як замежная: прафесійная лексіка;
- матэматыка;
- эканамічная тэорыя;
- асновы камп’ютарнай пісьменнасці;
- гісторыя Беларусі.
Навучанне праводзіцца на аснове праграм, распрацаваных на аснове тыпавых праграм Міністэрства адукацыі Рэспублікі Беларусь і зацверджаных навукова-метадычнай радай універсітэта.

Замежныя слухачы, якія паспяхова здаюць выпускныя экзамены па вывучаемых прадметах, атрымліваюць пасведчанне ўстаноўленага ўзору і без экзаменаў залічваюцца на 1 або 2 ступень адукацыі.

У працэсе навучання на курсах падрыхтоўкі выкладчыкі дапамагаюць замежным слухачам адаптавацца да новых умоў навучання ў БДЭУ і новых умоў пражывання ў незнаёмай краіне;
навучанне студэнтаў і магістрантаў універсітэта на адукацыйных курсах па дысцыплінах
- руская мова;
- англійская мова;
- матэматыка.
Выкладчыкамі створана цэласная сістэма праверкі ведаў слухачоў з дапамогай тэматычнага, бягучага семестравага і выніковага кантролю ведаў. Гэта дае магчымасць ажыццяўляць пастаянны кантроль за засваеннем вывучаемага матэрыялу як беларускімі, так і замежнымі слухачамі.

На курсах падрыхтоўкі да ЦЭ і ЦТ штогод абнаўляюцца вучэбна-метадычныя комплексы па дысцыплінах, якія вывучаюцца, у адпаведнасці са змяненнямі тэматыкі і структуры заданняў на цэнтралізаваным экзамене і цэнтралізаваным тэсціраванні.