Універсітэт сёння

БДЭУ

Заснаваны ў 1933 г. Беларускі дзяржаўны эканамічны ўніверсітэт (БДЭУ) з'яўляецца вядучай вышэйшай навучальнай установай краіны эканамічнага профілю. Універсітэт выкарыстоўвае свой патэнцыял, заснаваны на лепшым айчынным і міжнародным вопыце, для задавальнення інтэлектуальных, культурных і сацыяльных патрэбнасцей і інтарэсаў беларускага грамадства і дзяржавы, садзейнічае ўстойліваму развіццю Беларусі.

Ва ўніверсітэце ажыццяўляецца падрыхтоўка спецыялістаў шырокага спектра спецыяльнасцей (АКРБ 011-2009, АКРБ 011-2022) у галіне эканомікі, кіравання, права і камунікацый па наступных адукацыйных праграмах:

сярэдняй спецыяльнай адукацыі па 7 спецыяльнасцях (Мiнскi гандлевы каледж, Навагрудскi гандлева-эканамiчны каледж);
агульнай вышэйшай адукацыі па 22 спецыяльнасцях і па 27 спецыяльнасцях I ступені вышэйшай адукацыі ;
паглыбленнай вышэйшай адукацыі па 10 спецыяльнасцях, у тым ліку на англійскай мове;
навукова-арыянтаванай адукацыі па 15 спецыяльнасцях (падрыхтоўка ў аспірантуры ажыццяўляецца па 15 спецыяльнасцях, у дактарантуры - па 6 спецыяльнасцях);
перападрыхтоўкі кіруючых работнікаў і спецыялістаў, якія маюць вышэйшую адукацыю, па 10 спецыяльнасцях;
павышэння кваліфікацыі па 5 профілях.

Універсітэт уключаны ў пералік устаноў адукацыі, на базе якіх ажыццяўляецца эксперыментальная і інавацыйная дзейнасць з арганізацыяй падрыхтоўкі на англійскай мове па спецыяльнасцях агульнай вышэйшай адукацыі "Сусветная эканоміка", "Маркетынг" і "Бухгалтарскі ўлік, аналіз і аўдыт".

У БДЭУ прымяняюцца найноўшыя тэхналогіі адукацыі, у тым ліку дыстанцыйныя адукацыйныя праграмы, праектны метад, лічбавыя тэхналогіі. Ініцыяваныя адукацыйныя праекты «Універсітэт 3.0» і «Лічбавы ўніверсітэт», накіраваныя на раскрыццё індывідуальных здольнасцяў студэнта і яго асобы, выбар дысцыплін і пераход на індывідуальныя тэрміны вывучэння асобных курсаў, творчую самарэалізацыю студэнтаў, развіццё крытычнага мыслення і крэатыўных здольнасцяў.

Ва ўніверсітэце працуюць каля 60 дактароў, прафесараў і 400 кандыдатаў навук, дацэнтаў, па падручніках і навучальных дапаможніках якіх навучаюцца студэнты Беларусі і блізкага замежжа.

На базе БДЭУ створана Вучэбна-метадычнае аб'яднанне па эканамічнай адукацыі, дзейнасць якога накiравана на выпрацоўку прапаноў па пытаннях удасканалення навукова-метадычнага забеспячэння эканамiчнай адукацыi i падрыхтоўкi спецыялiстаў з агульнай вышэйшай i паглыбленнай вышэйшай адукацыяй.

Для ўдасканалення навукова-метадычнага забеспячэння дадатковай адукацыi ў 2023 годзе на базе Беларускага дзяржаўнага эканамiчнага ўнiверсiтэта створана Вучэбна-метадычнае аб’яднанне ў сферы дадатковай адукацыi дарослых па групах спецыяльнасцяў: 0311 Эканомiка (акрамя спецыяльнасцi 9-09-0311-05 Эканомiка i кiраванне на прадпрыемстве прамысловасцi), 0411 Бухгалтарскi ўлiк, падаткаабладанне, фiнансы, банкаўская i прававая справа, 0412 Менеджмент, лагiстыка, маркетынг i рэклама (акрамя спецыяльнасцяў 9-09-0412-02 Дзелавое адмiнiстраванне, 9-09-0412-20 Менеджмент у сферы культуры).

Інфармацыя аб універсітэце ў каталогу >>>>

Інфраструктура

Інфраструктуру вучэбна-навуковага комплексу БДЭУ складаюць 11 факультэтаў, уключаючы Вышэйшую школу кіравання і бізнесу, , 47 кафедр, Інстытут павышэння кваліфікацыі і перападрыхтоўкі эканамічных кадраў, Цэнтр давузаўскай падрыхтоўкi i прафессiйнай арыентацыi, філіялы: Мiнскi гандлевы каледж, Навагрудскi гандлева-эканамiчны каледж; бібліятэка, навучальныя і навуковыя лабараторыі, гандлёвы комплекс, службы забеспячэння.

Ва ўніверсітэце створаны ўсе ўмовы для пражывання іншагародніх і замежных навучэнцаў. Студэнцкае мястэчка аб'ядноўвае 9 інтэрнатаў. У кожным з іх ёсць памяшканні для самападрыхтоўкі, пакоі для адпачынку, работы гурткоў і клубаў па інтарэсах, ёсць памяшканні для заняткаў спортам, аснашчаныя прафесійным абсталяваннем, мэбляй і інвентаром.

На базе ўніверсітэта функцыянуе фізкультурна-аздараўленчы цэнтр, які ўключае 5 спартыўных і 2 трэнажорныя залы, 16 спартыўных пакояў, 2 адкрытыя спартыўныя пляцоўкі, залы аэробікі, барацьбы, настольнага тэніса, басейн.

Акрамя таго, моладзь можа ўдасканальваць свой талент у калектывах студэнцкага клуба па такіх напрамках, як вакал, харэаграфія, інструментальнае мастацтва, тэатральнае мастацтва, мастацтва дызайну.

Навука

БДЭУ з'яўляецца буйным цэнтрам фундаментальных і прыкладных навуковых даследаванняў па праблемах нацыянальнай і сусветнай эканомікі, права, акрэдытаваны як навуковая арганізацыя.

Высокі навуковы патэнцыял універсітэта, яго сучасная навукова-даследчая база даюць магчымасць забяспечваць якаснае выкананне навуковых даследаванняў і ажыццяўляць падрыхтоўку навуковых работнікаў вышэйшай кваліфікацыі. Пры БДЭУ створаны і паспяхова працуюць 3 саветы па абароне дысертацый, у якіх за апошнія пяць гадоў абаронены 81 дысертацыя (10 доктарскіх і 71 кандыдацкіх).

Пад кіраўніцтвам вядомых вучоных функцыянуюць 10 навукова-педагагічных школ; паспяхова працуюць 33 студэнцкія навукова-даследчыя лабараторыі. У мэтах падтрымкі інавацыйнай актыўнасці навучэнскай моладзі, рэалізацыі лепшых навуковых праектаў і ідэй створаны студэнцкі даследчы цэнтр "Бізнес-інкубатар БДЭУ" на базе факультэта камерцыі і турыстычнай індустрыі і факультэта эканомікі і менеджменту.

Электронная бібліятэка БДЭУ ўваходзiць у рэйтынг электронных рэпазитароў Ranking Web of Repositories з мэтай падтрымкi адкрытага доступу да навуковых публiкацый i вучэбных матэрыялаў у электроннай форме, ўключана ў тройку найлепшых сярод рэпазітараў беларускіх ВНУ.

Міжнародная дзейнасць

У цяперашні час міжнароднае супрацоўніцтва БДЭУ ахоплівае больш за 28 краін блізкага і далёкага замежжа.

Універсітэт з'яўляецца членам шэрагу міжнародных асацыяцый і аб'яднанняў - Еўразійскай асацыяцыі ўніверсітэтаў, Віртуальнага інстытута ЮНКТАД, Міжнароднай асацыяцыі выкладчыкаў рускай мовы і літаратуры, Міжнароднай асацыяцыі арганізацый фінансава-эканамічнай адукацыі, Універсітэцкай сеткі рэгіёна Балтыйскага мора, навукова-адукацыйнага кансорцыума паміж вышэйшымі навучальнымі ўстановамі і НДІ Рэспублікі Беларусь і Рэспублікі Казахстан, Еўразійскага сеткавага.

У БДЭУ рэалізуюцца праграмы "двайных дыпломаў" з універсітэтамі Расіі.

Кожнаму замежнаму абітурыенту БДЭУ прапануе шырокі выбар эканамічных факультэтаў і спецыяльнасцей. Навучанне на ўсіх ступенях вышэйшай адукацыі ажыццяўляецца на дзвюх мовах – рускай і англійскай. Жадаючым асвоіць рускую мову дапамагаюць кваліфікаваныя спецыялісты факультэта давузаўскай падрыхтоўкі і курсаў рускай мовы як замежнай.

Па дадзеных міжнароднага рэйтынгу Webometrics Ranking of World Universities сярод 30 тысяч універсітэтаў свету БДЭУ ўваходзіць у першыя 20% лепшых па вэбаметрычных і бібліяметрычных паказчыках.

Выпускнікі

Наш выпускнік – гэта эрудзіраваны спецыяліст, які атрымаў фундаментальныя веды і прафесійныя кампетэнцыі ў галіне эканомікі, фінансаў, менеджменту, маркетынгу, які валодае сучаснымі інфармацыйнымі тэхналогіямі і замежнымі мовамі.

Універсітэт уваходзіць у пяцёрку найбуйнейшых ВНУ краіны па колькасці студэнтаў – у год тут навучаецца звыш 13 тыс. чалавек. За шматгадовы перыяд працы ўстановы падрыхтавана звыш 185 тысяч спецыялістаў, якія працуюць як на радзіме, гэтак і далёка за яе межамі. Сярод выпускнікоў БДЭУ кіраўнікі розных міністэрстваў - эканомікі, фінансаў, па падатках і зборах, працы і сацыяльнай абароны, транспарту, гандлю, лясной гаспадаркі. Пуцёўку ў жыццё тут атрымалі вядомыя дзяржаўныя дзеячы, акадэмікі, кіраўнікі буйнейшых банкаў і горадаўтваральных прадпрыемстваў, бізнесмены і знакамітыя спартсмены.

Сёння Беларускі дзяржаўны эканамічны ўніверсітэт – буйны адукацыйны, навуковы, інавацыйны цэнтр краіны. Дыплом выпускніка БДЭУ карыстаецца заслужанай павагай, дае добры старт і з'яўляецца надзейнай апорай у жыцці.