Кафедра банкаўскай справы

Гісторыя кафедры банкаўскай справы пачынаецца са стварэння ва ўніверсітэце ў 1965 годзе самастойнага падраздзялення факультэта фінансаў і банкаўскай справы — кафедры грашовага абарачэння і крэдыту. За гады свайго існавання кафедра стала адной з вядучых на факультэце. У 1991 годзе кафедра атрымала сваю сучасную назву — кафедра банкаўскай справы, што азнаменавала новы этап у яе развіцці. Сёння кафедра па праве ганарыцца сваёй гісторыяй і ўносіць значны ўклад у падрыхтоўку высокакваліфікаваных спецыялістаў, перш за ўсё для банкаўскай сістэмы Рэспублікі Беларусь. Акрамя таго, многія выпускнікі кафедры будуюць паспяховую кар'еру ў аўдытарскіх кампаніях, у фінансавых службах вядучых прадпрыемстваў краіны, у органах дзяржаўнага кіравання і кантролю.

У цяперашні час на кафедры працуе 18 штатных выкладчыкаў, уключаючы 2 прафесараў, 8 дацэнтаў, 6 старшых выкладчыкаў, 1 асістэнта і 1 выкладчыка-стажора.
Узначальвае кафедру Маркусенка Марына Віктараўна, доктар эканамічных навук, прафесар.

Спецыяльнасці

Агульная вышэйшая адукацыя

«Финансы и кредит» профілізацыі «Банкаўская справа», «Фінансавая аналітыка і маніторынг»;
«Бухгалтарскі ўлік, аналіз і аўдыт» профілізацыя «Бухгалтарскі ўлік, аналіз і аўдыт у банках».

Кафедра выступае профільнай для студэнтаў, якія навучаюцца па спецыяльнасці «Фінансы і крэдыт» спецыялізацыя «Банкаўская справа», спецыяльнасці «Бухгалтарскі ўлік, аналіз і аўдыт» па кірунку «Бухгалтарскі ўлік, аналіз і аўдыт у банках».

Кафедра з'яўляецца выпускаючай для студэнтаў, якія навучаюцца па спецыяльнасці «Фінансы і крэдыт» профілізацыі «Банкаўская справа» і «Фінансавая аналітыка і маніторынг»; і па спецыяльнасці «Бухгалтарскі ўлік, аналіз і аўдыт» профілізацыя «Бухгалтарскі ўлік, аналіз і аўдыт у банках».

Кафедра ажыццяўляе падрыхтоўку навуковых кадраў вышэйшай кваліфікацыі. На кафедры праходзяць навучанне магістранты, аспіранты, дактаранты і суіскальнікі. Распрацавана магістарская праграма па спецыяльнасці 7-06-0411-02 «Фінансы, падаткаабкладанне і крэдыт» профілізацыя «Банкаўскі бізнес». Навучанне ў дактарантуры і аспірантуры ажыццяўляецца па спецыяльнасці «Фінансы, грашовае абарачэнне і крэдыт».

Вучэбна-метадычная праца

Дысцыпліны

Агульная вышэйшая адукацыя

Аналіз дзейнасці банка
Банкаўскі аўдыт
Банкаўскі менеджмент
Банкаўскі нагляд і аўдыт
Банкаўскае абслугоўванне і крэдытаванне знешнеэканамічнай дзейнасці
Банкаўскі камплаенс і менеджмент
Бухгалтарскі ўлік у банках
Унутраны кантроль у сферы ПАД/ФТ
Глабальная сістэма ПАД/ФТ
Інвестыцыйны банкінг
Камунікатыўныя тэхналогіі і фінансавая пісьменнасць
Міжнародныя стандарты аўдыту
Аперацыі банкаў на фінансавым рынку
Арганізацыя банкаўскага бізнесу
Арганізацыя і фінансаванне інвестыцый
Рызыка-менеджмент у сферы ПАД/ФТ
Рознiчны бізнес у банкаўскай сферы
Судова-эканамічная экспертыза
Кіраванне банкаўскімі рызыкамі
Фінансавая бяспека
Фінансавая справаздачнасць банка
Фінансавыя тэхналогіі
Фінансавы маніторынг
Эканоміка банка

Паглыбленая вышэйшая адукацыя (магістратура)

Бухгалтарскі ўлік банкаўскіх аперацый
Дзейнасць банкаў на фінансавых рынках
Інавацыйныя банкаўскія аперацыі, прадукты і паслугі
Інавацыйныя працэсы ў фінансавай адукацыі
Сусветныя банкаўскія сістэмы
Стандарты фінансавай справаздачнасці банкаў
Фінансавая ацэнка банкаўскага бізнесу

Вучэбна-метадычная праца кафедры арыентавана на напісанне і падрыхтоўку сучасных падручнікаў і вучэбных дапаможнікаў. Яны дазваляюць папоўніць метадычнае забеспячэнне кафедры ў адпаведнасці са стандартамі менеджменту якасці адукацыі.

Навучальныя і вучэбна-метадычныя выданні і комплексы

Навуковая праца

Акрамя вучэбнага працэсу, кафедра вялікую ўвагу надае навуковым даследаванням. На кафедры выконваецца НДР другой паловы дня «Інстытуцыянальныя асновы забеспячэння эканамічнай бяспекі банкаўскай сістэмы Рэспублікі Беларусь у сучасных умовах» (2026–2030). Выкладчыкі кафедры выступаюць з дакладамі і ўдзельнічаюць у рабоце міжнародных і рэспубліканскіх навукова-практычных канферэнцый, форумаў, конкурсаў па розных напрамках навуковых даследаванняў.

Прапановы і рэкамендацыі аўтараў навуковых даследаванняў атрымліваюць практычнае прымяненне ў дзейнасці банкаўскіх арганізацый рэспублікі, укараняюцца ў навучальны працэс, знаходзяць адлюстраванне ў навуковых работах, тэзісах, артыкулах, выступах на навуковых канферэнцыях, якія праводзяцца ў краіне і за мяжой. Да выканання навуковых даследаванняў актыўна прыцягваюцца студэнты факультэта фінансаў і банкаўскай справы. Пры кафедры банкаўскай справы функцыянуе адна з вядучых ва ўніверсітэце студэнцкіх навукова-даследчых лабараторый (СНДЛ) — «Інавацыі ў банкаўскай справе». Кіруе лабараторыяй дацэнт кафедры, кандыдат эканамічных навук Баброўская Ж.В. Тут студэнты праводзяць свае навуковыя даследаванні пад кіраўніцтвам выкладчыкаў кафедры, рыхтуюць навуковыя даклады па банкаўскай тэматыцы для ўдзелу ў міжнародных і рэспубліканскіх конкурсах, канферэнцыях і алімпіядах. Адной з форм студэнцкай навуковай дзейнасці з'яўляецца падрыхтоўка курсавых і дыпломных работ. Прапановы і рэкамендацыі, якія выносяцца на абарону, абагульняюцца і выкарыстоўваюцца ў навукова-практычнай дзейнасці кафедры.

Асноўныя публікацыі кафедры:

Банкаўскі аўдыт: вучэб. дапаможнік / пад рэд. Л.С. Яфрэмавай.
Грошы, крэдыт, банкі: вучэб.-метад. дапаможнік / Б.М. Жаліба, С.І. Пупликаў.
М.В. Маркусенка. Фарміраванне валютнай палітыкі Рэспублікі Беларусь ва ўмовах глабалізацыі: манаграфія.
Арганізацыя банкаўскага бізнесу: вучэб. дапаможнік / пад рэд. Ж.В. Баброўскай.
Кіраванне банкаўскімі рызыкамі: кароткі курс лекцый / Т.І. Леановіч, М.Я. Ніканорава.
Фінансаванне і крэдытаванне інвестыцый: вучэб. дапаможнік / пад рэд. Т.К. Саўчук.
Эканоміка банка: вучэб. дапаможнік / А.С. Панамарова.

Здзяйсняецца навукова-практычнае ўзаемадзеянне кафедры з банкаўскай сферай Рэспублікі Беларусь. Выкладчыкі праходзяць стажыроўкі ў банках, павышаюць кваліфікацыю ў вучэбным цэнтры Нацыянальнага банка Рэспублікі Беларусь. Адкрыты філіялы кафедры банкаўскай справы на базе ААТ «ААБ Беларусбанк», ААТ «Сбер Банк» і ТАА «ФБК-Бел». Міжнародная дзейнасць кафедры накіравана на інтэграцыю ў міжнародную навукова-адукацыйную сферу шляхам пашырэння сувязяў з вышэйшымі навучальнымі ўстановамі і навукова-даследчымі арганізацыямі краін блізкага і далёкага замежжа, пераважна Расійскай Федэрацыі і Кітайскай Народнай Рэспублікі.