Факультэт Права

Факультэт права створаны ў 1998 г. на базе кафедры правазнаўства, якая была заснавана ў 1933 г. Дэкан– Шклярэўскі Аляксандр Мікалаевіч, дацэнт, кандыдат юрыдычных навук.

У цяперашні час на факультэце ажыццяўляецца падрыхтоўка высокакваліфікаваных юрыстаў па спецыяльнасці «Правазнаўства» (спецыялiзацыi «Гаспадарчае права» і «Прававое забеспячэнне знешнеэканамічнай дзейнасці»).

Унікальныя магчымасці

Навучальны працэс ажыццяўляецца ў адпаведнасці з дзяржаўным стандартам спецыяльнасці і з улікам патрэбнасці ў кадрах эканомікі Рэспублікі Беларусь. У адпаведнасці з пастаўленай задачай выпускнікі факультэта права прафесійна вывучаюць не толькі юрыдычныя, але і шэраг эканамічных дысцыплін, такіх як «Бухгалтарскі ўлік», «Рэвізія і аўдыт», «Падаткі і падаткаабкладанне», «Міжнародны гандаль», «Аналіз гаспадарчай дзейнасці прадпрыемства» і іншыя.

У цяперашні час на факультэце права працуюць 4 кафедры:

тэорыі І гісторыі права (заг. кафедры - кандыдат юрыдычных навук, В.В. Бодакова);
дзяржаўна-прававых дысцыплін (заг. кафедры - кандыдат юрыдычных навук, дацэнт В.К. Ладуцька);
грамадзянска-прававых дысцыплін (заг. кафедры - доктар юрыдычных навук, прафесар Т.С. Таранава);
міжнароднага эканамічнага права (заг. кафедры - кандыдат юрыдычных навук, дацэнт Т. В. Целяціцкая)

Важкія пазіцыі ў айчыннай практыцы юрыдычнай адукацыі забяспечваюць штатныя выкладчыкі, сярод якіх дактары юрыдычных навук, прафесары, кандыдаты юрыдычных навук, дацэнты, з агульнага ліку якіх больш за 70% маюць вучоныя ступені і званні.

Спецыяльнасці

1-я ступень

«Правазнаўства»
Спецыялізацыі:
- «Гаспадарчае права»
- "Прававое забеспячэнне знешнеэканамічнай дзейнасці»

2-я ступень

На факультэце падтрымліваецца пераемнасць падрыхтоўкі спецыялістаў па ўзроўнях адукацыі - вышэйшая адукацыя, магістратура, аспірантура. Працуе спецыялізаваны Савет па абароне кандыдацкіх дысертацый па спецыяльнасцях 12.00.03 - грамадзянскае права; сямейнае права; прадпрымальніцкае права; міжнароднае прыватнае права і па 12.00.14 - адміністрацыйнае права; фінансавае права; інфармацыйнае права.

Прафесарска-выкладчыцкі склад кафедраў факультэта пастаянна ўдзельнічае ў распрацоўцы і абмеркаванні законапраектаў напярэдадні іх слуханняў ў парламенце краіны і праектаў рашэнняў Канстытуцыйнага Суда Рэспублікі Беларусь, пастаноў Пленумаў Вярхоўнага Суда Рэспублікі Беларусь, ажыццяўляе іх экспертызу.

Выкладчыкі факультэта штогод рыхтуюць і выдаюць новыя падручнікі, навучальныя дапаможнікі і навуковыя працы, якія шырока выкарыстоўваюцца ў ходзе навучальнага працэсу як на факультэце права БДЭУ, так і ў іншых установах адукацыі краіны і СНД. На факультэце выпускаецца маланакладная газета «Юрыст». На яе старонках студэнты і выкладчыкі абмяркоўваюць пытанні жыцця ўніверсітэта і факультэта права.

На факультэце створаны 3 спецыялізаваныя навуковыя лабараторыі: студэнцкая навукова-практычная лабараторыя (грамадская прыёмная для аказання прававой дапамогі насельніцтву), студэнцкая навукова-прадметная лабараторыя па праблемах процідзеяння злачыннасці ў сферы эканамічнай дзейнасці і студэнцкая навукова-даследчая лабараторыя па сучасных праблемах прававога рэгулявання эканамічнай дзейнасці.

Факультэт размяшчаецца ў асобным корпусе, які дазваляе забяспечваць якаснае правядзенне заняткаў. Студэнтам даецца магчымасць працаваць з кампутарнымі базамі дадзеных і Інтэрнэтам, а таксама капіявання і размнажэння неабходных матэрыялаў. Маюцца: бібліятэка, якая змяшчае дастатковую колькасць вучэбнай і навуковай юрыдычнай літаратуры; спартыўная і трэнажорная залы; сталовая. На факультэце рэгулярна праводзяцца канцэрты і вечары адпачынку, дыскатэкі.

Устаноўлена і пашыраецца супрацоўніцтва факультэта з замежнымі навуковымі навучальнымі цэнтрамі юрыдычнага профілю, што дазваляе студэнтам як удасканальваць прафесійныя веды, так і валодаць замежнымі мовамі, прымаць удзел у міжнародных канферэнцыях, семінарах і стажыравацца.

Будучая кар'ера

Выпускнікі факультэта права запатрабаваныя органамі дзяржаўнага, рэгіянальнага і мясцовага кіравання, юрыдычнымі падраздзяленнямі прадпрыемстваў і ўстаноў усіх арганізацыйна-прававых формаў уласнасці як у Беларусі, так і за яе межамі.