Кафедра фінансаў

Загадчык кафедры:

Веразубава Таццяна Анатольеўна
доктар эканамічных навук,
прафесар

Кафедра з’яўляецца базавай на факультэце фінансаў і банкаўскай справы.

У розныя гады яе ўзначальвалі д-р экан. навук, прафесар М.І. Ткачук (да 1971 г., з 1982 па 1987 гг.), д-р экан. навук, прафесар М.К. Фісенка (з 1987 па 1992 гг.), д-р экан. naвук, прафесар М.Я. Заяц (з 1992 па 2004 гг.), д-р экан. навук, прафесар Р.Я. Кобрынскі (з 2004 по 2014 гг.), канд. экан. навук, дацэнт І.М. Жук (з 2014 па 2019 гг.).
З верасня 2019 г. кафедру ўзначальвае Веразубава Таццяна Анатольеўна, д-р экан. навук, прафесар.

У цяперашні час на кафедры працуе 18 штатных выкладчыкаў, у тым ліку 1 прафесар, 10 дацэнтаў, 6 старшых выкладчыкаў, 1 выкладчык-стажор.

Спецыяльнасці

1-я ступень

«Фінансы і крэдыт»
спецыялізацыі :
- «Фінансы»
- «Фінансы і крэдыт у знешнеэканамічнай дзейнасці»
- «Фінансы і кантроль у сферы мытнай дзейнасці»
- «Страхаванне»

СПЕЦЫЯЛЬНАСЦЬ паглыбленай вышэйшай адукацыі: 7-06-0411-02 «Фінансы, падаткаабкладанне і крэдыт», прафілізацыя «Міжнародныя фінансы і інвестыцыі».

Кафедра з’яўляецца выпускаючай па чатырох прафілізацыях у межах спецыяльнасці 6-05-0411-02 «Фінансы і крэдыт»: «Фінансы», «Фінансы і крэдыт у знешнеэканамічнай дзейнасці», «Фінансы і кантроль у сферы мытнай дзейнасці», «Страхаванне і сацыяльная абарона».

Вучэбна-метадычная праца

Дысцыпліны

За кафедрай замацавана шэраг навучальных дысцыплін, па якіх чытаюць курсы лекцый і праводзяць практычныя заняткі для студэнтаў усіх форм навучання кваліфікаваныя выкладчыкі. Асобныя навучальныя дысцыпліны з’яўляюцца найважнейшымі для падрыхтоўкі спецыялістаў па спецыяльнасці «Фінансы і крэдыт»: «Тэорыя фінансаў», «Фінансы арганізацый», «Страхавая справа», «Міжнародныя фінансы», «Мытная справа». Значная частка дысцыплін чытаецца ў межах канкрэтных прафілізацый: «Фінансавы кантроль», «Сацыяльнае страхаванне і пенсійнае забеспячэнне», «Пенсійныя фонды», «Фінансавы менеджмент у страхавых арганізацыях», «Карпаратыўныя фінансы», «Страхаванне ў знешнеэканамічнай дзейнасці», «Арганізацыя страхавой дзейнасці», «Галіновыя фінансы», «Мытны кантроль», «Мытныя аперацыі і мытнае афармленне» і іншыя.

Высокі навуковы патэнцыял прафесарска-выкладчыцкага складу кафедры плённа рэалізуецца ў даследчай дзейнасці. Штогод большасць супрацоўнікаў удзельнічае ў распрацоўцы навуковых тэм, заказчыкамі якіх выступаюць Міністэрства адукацыі Рэспублікі Беларусь, Беларускі рэспубліканскі фонд фундаментальных даследаванняў, страхавыя арганізацыі, а таксама асобныя прадпрыемствы краіны. Асноўныя прапановы і рэкамендацыі аўтараў, як правіла, знаходзяць практычнае выкарыстанне.

Асноўнымі навуковымі кірункамі кафедры з’яўляюцца:
•             фінансавы механізм нацыянальнай інавацыйнай сістэмы як фактар устойлівага развіцця эканомікі Рэспублікі Беларусь;
•             распрацоўка прыярытэтаў і канцэпцый фінансавай палітыкі дзяржавы ва ўмовах рынкавай эканомікі;
•             фінансавыя рэсурсы арганізацый, асаблівасці іх фарміравання і выкарыстання ва ўмовах рынкавага гаспадарання;
•             фарміраванне механізму забеспячэння ўстойлівасці страхавога партфеля;
•             фарміраванне і функцыянаванне сістэмы перастрахавання ў Рэспубліцы Беларусь;
•             сучасныя тэндэнцыі і праблемы развіцця дзяржаўнага бюджэту Рэспублікі Беларусь;
•             кіраванне бюджэтным працэсам;
•             развіццё фінансавага механізму знешнеэканамічнай дзейнасці;
•             удасканаленне механізму мытнага рэгулявання знешнеэканамічнай дзейнасці.

Для падрыхтоўкі спецыялістаў паглыбленай вышэйшай адукацыі кафедра праводзіць набор і навучанне ў магістратуры па спецыяльнасці 7-06-0411-02 «Фінансы, падаткаабкладанне і крэдыт», прафілізацыя «Міжнародныя фінансы і інвестыцыі». Заняткі праводзяць вядучыя выкладчыкі кафедры, спецыялісты і практыкі па наступных дысцыплінах: «Сусветныя фінансы і фінансавыя рынкі», «Інвестыцыйны менеджмент», «Міжнародны рынак страхавання», «Міжнародная і рэгіянальная эканамічная інтэграцыя», «Страхавы менеджмент», «Мытнае рэгуляванне знешнеэканамічнай дзейнасці» і іншыя.

Пры кафедры арганізавана і дзейнічае сістэма падрыхтоўкі навуковых кадраў вышэйшай кваліфікацыі, у якой навучаюцца дактаранты, аспіранты і суіскальнікі вучоных ступеней, у тым ліку і замежныя грамадзяне (КНР). Выпускнікі, якія паспяхова прайшлі дадзеныя формы навучання, папаўняюць рады навукоўцаў і выкладчыкаў ВНУ, навукова-даследчых інстытутаў і інавацыйных арганізацый Рэспублікі Беларусь і іншых краін. Уся навукова-даследчая работа кафедры зарыентавана на падрыхтоўку навуковых кадраў, дактароў і кандыдатаў навук, а таксама на напісанне і падрыхтоўку сучасных падручнікаў і навучальных дапаможнікаў.

Актыўны ўдзел у навукова-даследчай рабоце прымаюць студэнты факультэта фінансаў і банкаўскай справы. Асноўнымі формамі такой работы з’яўляецца падрыхтоўка рэфератаў па актуальных праблемах удасканалення фінансавага механізму, выступленне з навуковымі дакладамі, паведамленнямі па дысцыплінах, якія вывучаюцца, удзел у навукова-практычных канферэнцыях, круглых сталах, НПР па гаспадарача-дагаворнай і бюджэтнай тэматыках.

На кафедры пастаянна дзейнічае студэнцкая навукова-даследчая лабараторыя «Фінансіст».

Навучальныя і вучэбна-метадычныя выданні і комплексы

Навуковая праца

Навукова-даследчая работа вядзецца па наступных накірунках:

«Праблемы развіцця фінансаў»;
«Страхавы рынак і праблемы яго развіцця»;
«Праблемы бюджэту і фінансаў ЗЭД»;
«Мытная справа: праблемы і кірункі развіцця»;
«Праблемы развіцця дзяржаўных фінансаў».

Студэнты рыхтуюць навуковыя работы, навукова-даследчыя праекты і тэзісы дакладаў для ўдзелу ў міжнародных навукова-практычных канферэнцыях, круглых сталах. Навуковыя работы студэнтаў прадстаўляюцца для ўдзелу ў рэспубліканскіх і міжнародных конкурсах і алімпіядах, на якіх студэнты становяцца лаўрэатамі і займаюць прызавыя месцы.

Студэнцкая навукова-даследчая лабараторыя «Фінансіст» з моманту свайго стварэння ў 2012 г. займала вядучыя месцы па выніках універсітэцкага конкурсу і была рэкамендавана на аказанне фінансавай падтрымкі Спецыяльным фондам Прэзідэнта Рэспублікі Беларусь па сацыяльнай падтрымцы адораных навучэнцаў і студэнтаў. Вынікі НДРС сведчаць пра высокую эфектыўнасць дзейнасці СНДЛ «Фінансіст», адладжаную працу выкладчыкаў кафедры па прыцягненні студэнтаў да навукова-даследчай дзейнасці і садзейнічанні ў падрыхтоўцы навукова-педагагічных кадраў.

Адной з форм студэнцкай навуковай дзейнасці з’яўляецца падрыхтоўка дыпломных работ. Штогод іх тэматыка фарміруецца з улікам рэкамендацый зацікаўленых міністэрстваў, канкрэтных баз практыкі студэнтаў-дыпломнікаў, а прапановы і рэкамендацыі, якія выносяцца на абарону, абагульняюцца і выкарыстоўваюцца ў навукова-практычнай дзейнасці кафедры.

На кафедры дзейнічаюць два філіялы кафедры:

філіял кафедры фінансаў установы адукацыі «Беларускі дзяржаўны эканамічны ўніверсітэт» на базе ўстановы адукацыі «Дзяржаўны інстытут павышэння кваліфікацыі і перападрыхтоўкі кадраў мытных органаў Рэспублікі Беларусь»;
філіял кафедры фінансаў установы адукацыі «Беларускі дзяржаўны эканамічны ўніверсітэт» на базе ТАА «ГрандБізнес Эксперт».

Праца філіялаў кафедры фінансаў ажыццяўляецца шляхам выступлення супрацоўнікаў мытных органаў і аўдытарскай арганізацыі перад студэнтамі розных курсаў, арганізацыі ўсіх відаў практыкі студэнтаў і магістрантаў, удзелу супрацоўнікаў філіялау ДЭК у якасці старшынь-практыкаў, размеркавання студэнтаў на працу ў мытныя органы, аўдытарскую арганізацыi і многіх іншых форм узаемадзеяння, што дазваляе зрабіць адукацыйны працэс больш практыкаарыентаваным.

Акрамя таго, на кафедры склаліся шматгадовыя плённыя сувязі са шматлікімі міністэрствамі, ведамствамі, прадпрыемствамі, навучальнымі ўстановамі і навукова-даследчымі арганізацыямі рэспублікі блізкага і далёкага замежжа. Так, рэалізуюцца праграмы супрацоўніцтва з Белдзяржстрахам, Беларускай асацыяцыяй страхоўшчыкаў, Расійскім эканамічным універсітэтам імя Г.В. Пляханава, Фінансавым універсітэтам пры Урадзе Расійскай Федэрацыі, Еўразійскім нацыянальным універсітэтам імя Л.М. Гумілёва, Ташкенцкім дзяржаўным эканамічным універсітэтам і многімі іншымі.

Асноўныя публікацыі кафедры:

Страховое дело : учебник под ред. Зайцевой М.А. – Минск : БГЭУ, 2019.
Региональная экономическая интеграция : учебное пособие под ред. Тарарышкой Л.И. – Минск : БГЭУ, 2019.
Финансы : учеб. пособие под ред. Василевской Т.И., Бондарь Т.Е. – Минск : БГЭУ, 2016 г. (часть 1)
Финансы : учеб. пособие под ред. Василевской Т.И., Бондарь Т.Е. – Минск : БГЭУ, 2017 г. (часть 2)
Бондарь Т.Е. Инновации как драйвер устойчивого развития экономики Беларуси: монография. – Lambert. AcademicPublishing, 2018 г.
Верезубова, Т. А. Финансовая стратегия страховых организаций в условиях развития национальной экономики : монография. – Минск : Белорус. гос. экон. ун-т, 2015. – 185 с.
Таможенное дело : учеб. пособие / И.В. Цыкунов [и др.]; под ред. И.В. Цыкунова. – Минск : Вышэйшая школа, 2015.
Таможенное дело: практикум / И.В. Цыкунов [и др.]; под ред. И.В. Цыкунова. – Минск : БГЭУ, 2013.

На кафедры склаліся шматгадовыя плённыя сувязі з многімі міністэрствамі, ведамствамі, прадпрыемствамі, навучальнымі ўстановамі і навукова-даследчымі арганізацыямі рэспублікі, блізкага і далёкага замежжа.

Так, рэалізуюцца праграмы супрацоўніцтва з Белдзяржстрахам, Беларускай асацыяцыяй страхоўшчыкаў, Расійскім эканамічным універсітэтам ім. Пляханава, Фінансавым універсітэтам пры Урадзе Расійскай Федэрацыі, Ташкенцкім фінансавым інстытутам (Рэспубліка Узбекістан), Карагандзінскім універсітэтам імя акадэміка Я.А. Букетава» (Рэспубліка Казахстан) і інш.