Кафедра эканамічнай палітыкі

Загадчык кафедры:

Бондар Аляксандр Віктаравіч
доктар эканамічных навук
прафесар

Загадчык кафедрай- Аляксандр Віктаравіч Бондар, доктар эканамічных навук, прафесар, Заслужаны работнік адукацыі Рэспублікі Беларусь.

Кафедра была заснавана ў 1981 годзе.

Структурныя рэарганізацыі і пераіменаванні:

1981-1987 гг. – кафедра палітычнай эканоміі і крытыкі антымарксісцкіх вучэнняў;
1987-2009 гг. – кафедра эканамічнай тэорыі і гісторыі эканамічных вучэнняў; 2009 г.- па цяперашні час – кафедра эканамічнай палітыкі.

На працягу гісторыі кафедру ўзначальвалі:

Язвінская Я.А., прафесар (1981-1985 гг.);
Лемяшэўскі І.М., доктар эканамічных навук, прафесар (1985-1991 гг.);
Тур А.М., доктар эканамічных навук, прафесар (1991-2000 гг.);
Бондар А.В., доктар эканамічных навук, прафесар, (2000 г. - па цяперашні час).

У 2008 годзе Бондару А.В. аб’яўлена Падзяка Прэзідэнта Рэспублікі Беларусь; у 2010 годзе ўзнагароджаны медалём Францыска Скарыны; у 2016 годзе прысвоена ганаровае званне “Заслужаны работнік адукацыі Рэспублікі Беларусь”. З’яўляецца членам Савета па абароне доктарскіх і кандыдацкіх дысертацый пры ўстанове адукацыі “Беларускі дзяржаўны эканамічны ўніверсітэт” Д 02.07.03 (спецыяльнасці 08.00.1 – эканамічная тэорыя, 08.00.14 – сусветная эканоміка (эканамічныя навукі). Ім надрукавана больш за 200 навуковых і вучэбна-метадычных прац. Аўтар і рэдактар падручнікаў і вучэбных дапаможнікаў з грыфам Міністэрства адукацыі Рэспублікі Беларусь па дысцыплінах “Эканамічная тэорыя”, “Мікраэканоміка”, “Макраэканоміка”, “Эканамічная бяспека і эканамічная палітыка”, “Нацыянальная эканоміка”, “Гісторыя эканамічных вучэнняў”.

Кафедра вядзе вучэбную работу на наступных факультэтах універсітэта: міжнародных эканамічных адносін, інстытут сацыяльна-гуманітарнай адукацыі, камерцыі і турыстычнай індустрыі, маркетынгу і лагістыкі, эканомікі і менеджменту, міжнародных бізнес-камунікацый.

Калектыў кафедры валодае высокім творчым і навуковым патэнцыялам для навучання студэнтаў і падрыхтоўкі спецыялістаў высокай кваліфікацыі.

Спецыяльнасці

1-я ступень
Кафедра з’яўляецца выпускаючай па спецыяльнасцях:
1-25 01 01 “Эканамічная тэорыя”
(спецыялізацыя 1-25 01 01 01 “Эканамічная палітыка”);
1-25 01 02 “Эканоміка” (спецыялізацыя 1-25 01 02 01 “Аналітычная эканоміка”)

Спецыялізацыя “Эканамічная палітыка” дае магчымасць студэнтам атрымаць больш глыбокія веды па разнастайных праблемах эканамічнай тэорыі, мікра- і макраэканомікі, гісторыі эканамічных вучэнняў, а таксама шэрагу чытаемых спецкурсаў; авалодаць сучаснымі метадамі і інструментарыем эканамічнай палітыкі, тэорыяй і методыкай выкладання эканамічных дысцыплін.

Спецыялізацыя “Аналітычная эканоміка” дазваляе атрымаць унікальную кваліфікацыю “эканаміст-аналітык”. Студэнты атрымліваюць фундаментальную падрыхтоўку ў галіне сучаснай эканамічнай тэорыі для паспяховага ажыццяўлення такіх відаў дзейнасці, як аналітычны, праектна-эканамічны, арганізацыйна-кіраўнічы, навукова-даследчы.

Студэнты, якія паспяхова завяршылі навучанне па дадзеных спецыялізацыях, могуць працягваць навучанне ў магістратуры і аспірантуры, якія даюць магчымасць удасканальваць свае веды ў праблемах сучаснай эканамічнай навукі і набыць навыкі аналітычнага мыслення.

Вучэбна-метадычная праца

Дысцыпліны, якія замацаваны за кафедрай:

Аналіз развіцця чалавечых рэсурсаў;
Інавацыйная палітыка і эканамічная бяспека;
Гісторыя эканамічных вучэнняў;
Макраэканоміка;
Мікраэканоміка;
Эканоміка;
Эканоміка (абавязковы модуль);
Эканамічная палітыка;
Эканамічная тэорыя.

Вучэбныя і вучэбна-метадычныя выданні і комплексы

Навуковая праца

Навуковая праца кафедры ажыццяўляецца ў цесным узаемадзеянні з Нацыянальнай акадэміяй навук Беларусі, Міністэрствам адукацыі Рэспублікі Беларусь, навукова-даследымі і вышэйшымі навучальнымі ўстановамі.

Асноўныя навуковыя накірункі кафедры:

тэорыя і метадалогія даследавання чалавечага і інтэлектуальнага капіталу;
сістэма ведаёмкіх паслуг у постіндустрыяльным грамадстве;
праблемы ўстойлівага чалавечага развіцця ў глабальнай эканоміцы;
тэорыя, метадалогія і практыка захавання і развіцця прыроднага капіталу;
асаблівасці імпартазамяшчэння ў сучасных умовах і інш.

Кафедра прымае актыўны ўдзел у распрацоўцы дзяржаўных праграм па наступных тэмах НДП:
“Распрацаваць канцэпцыю ўстойлівага чалавечага развіцця Рэспублікі Беларусь ва ўмовах станаўлення эканомікі ведаў” (2016 – 2020 гг.) (кіраўнік – д.э.н., прафесар Бондар А.В.).
“Распрацаваць канцэптуальныя асновы і накірункі развіцця інтэлектуальнага капіталу ў Рэспубліцы Беларусь як фактару забеспячэння эканамічнай бяспекі дзяржавы ва ўмовах глабалізацыі і цыфравізацыі сусветнай гаспадаркі” (2021 – 2025 гг.) (кіраўнік – д.э.н., прафесар Бондар А.В.).

Выкладчыкі кафедры ўдзельнічаюць у эксперцізе дысертацый на суісканне ступеняў кандыдата і доктара эканамічных навук, з’яўляюцца членамі навуковага праблемнага Савета № 4 па спецыяльнасцях 08.00.01 – эканамічная тэорыя і 08.00.14 – сусветная эканоміка.

З 2012 г. пад кіраўніцтвам д.э.н., прафесара А.В.Бондара падрыхтаваны і абаронены дысертацыі на суісканне вучонай ступені кандыдата эканамічных навук Карнеевец Т.Р., Рабавай К.І., Чураковай Г.П., Жэбенцяевай Н.А.

Ажыццяўляецца супрацоўніцтва кафедры эканамічнай палітыкі і Вышэйшай школы фінансаў і кіравання ў г. Беластоку ў галіне вышэйшай адукацыі па Праграме двайнога дыплома з мэтай прадастаўлення студэнтам высакаякаснай і адпавядаючай сённяшнім рэаліям другой вышэйшай адукацыі.

Створаны і паспяхова працуе філіял кафедры на базе ДВА ”Гаррамаўтадар Мінгарвыканкама”, па замове якога праводзяцца гаспадарчаразліковыя навуковыя даследаванні, выконваюцца дыпломныя работы, ажыццяўляецца практыка студэнтаў. Супрацоўнікі дадзенага прадпрыемства прымаюць актыўны ўдзел у падрыхтоўцы і атэстацыі студэнтаў і магістрантаў спецыялізацыі “Эканамічная палітыка”.
Калектыў кафедры распрацоўвае падручнікі і вучэбныя дапаможнікі па эканамічных дысцыплінах, якія адпавядаюць вучэбным праграмам новага пакалення і рэкамендуюцца Міністэрствам адукацыі Рэспублікі Беларусь для вышэйшых навучальных устаноў:

Мікраэканоміка: падручнік / Пад рэд. А.В. Бондара, В.А. Вараб'ёва. – Мінск: БДЭУ, 2015. – 428 с.
Эканамічная тэорыя: падручнік / Пад рэд. А.В. Бондара, В.А. Вараб'ёва. – Мінск: БДЭУ, 2016. – 494 с.
Макраэканоміка: вучэб. дапаможнік / Пад рэд. В. А. Вараб'ёва, А. М. Філіпцова. – Мінск: БДЭУ, 2017. – 227 с.
Нацыянальная эканоміка Беларусі: падручнік/ У.М.Шымаў [і інш.]; пад рэд. У.М.Шымава. – 5-е выд., перапрац. і дап. - Мінск: БДЭУ, 2018.
Мікраэканоміка: вучэб. дапаможнік / Пад рэд. В. А. Вараб'ёва, А. М. Філіпцова. – Мінск: БДЭУ, 2020. – 234 с.
Макраэканоміка: падручнік / Пад рэд. А.В. Бондара, В.А. Вараб’ёва, А.М. Філіпцова. – Мінск: БДЭУ, 2020. – 365 с.
Эканамічная тэорыя: падручнік / Пад рэд. А.В. Бондара, В.А. Вараб'ёва, А.М. Філіпцова. – Мінск: БДЭУ, 2022. – 493 с.
Бондар, А.В. Гісторыя эканамічных вучэнняў: электронны вучэб. дапаможнік / А.В. Бондар, А.П. Чуракова, Н.А. Яхніцкая. – Мінск: БДЭУ, 2022.