Кафедра нямецкай і раманскіх моў

Кафедра ўтвораная ў выніку зліцця кафедры раманскіх моў і кафедры нямецкай мовы, функцыянуе з красавіка 2022 года і з'яўляецца структурным падраздзяленнем факультэта міжнародных бізнес-камунікацый. Кафедру ўзначальвае кандыдат філалагічных навук, дацэнт Камарова Марына Анатольеўна.

У штаце кафедры 24 супрацоўнікі, з іх адзін загадчык, пяць дацэнтаў, пятнаццаць старшых выкладчыкаў (з іх два магістры філалагічных навук, пяць выпускнікоў аспірантуры), два выкладчыкі, выкладчык-стажор, два спецыялісты.

Кафедра ганарыцца сваім кваліфікаваным замежным спецыялістам: на кафедры з 2011 года выкладае грамадзянін Венесуэлы доктар філасофіі Мухіка Перальта Анхель Лоэнгрын.

Вучэбна-метадычная праца

Дысцыпліны

Бізнес-камунікацыя;
Дзелавая замежная мова (2-ая мова);
Дзелавая замежная мова;
Дзелавыя камунікацыі на замежнай мове;
замежная мова (2-ая мова);
замежная мова (пераклад);
замежная мова;
культура краіны вывучаемай мовы;
практыка вуснага і пісьмовага маўлення (2-гі базавы модуль);
практыкум міжкультурнай камунікацыі (2-ая мова);
практыкум міжкультурнай камунікацыі;
практыкум па культуры маўленчых зносін (2-гі базавы модуль);
практыкум прафесійна-арыентаванага маўлення (2-ая замежная мова);
практыкум вуснага і пісьмовага маўлення (2-ая мова);
практычная граматыка (2-гі базавы модуль);
практычная фанетыка (2-гі базавы модуль);
практычны курс перакладу (2-ая мова);
практычны курс перакладу;
практычны курс прафесійна-арыентаванага маўлення (2-ая зам. м.);
прафесійна арыентаваная замежная мова (2-ая замежная мова);
прафесійна арыентаваная замежная мова;
краіназнаўства;
тэорыя і практыка транскадзіравання тэксту (2-ая зам. м.).

Кафедрай забяспечваецца выкладанне французскай, іспанскай, нямецкай і партугальскай моў як першай і другой замежнай студэнтам усіх курсаў і факультэтаў дзённай, завочнай і дыстанцыйнай формаў навучання 1-ай і 2-ой ступеняў вышэйшай адукацыі. Мэтай навучання студэнтаў і магістрантаў з'яўляецца фарміраванне лінгвістычнай кампетэнтнасці, што ўключае навыкі маўленчай дзейнасці як у паўсядзённых, так і прафесійных зносінах, а таксама неабходныя веды ў культурнай, сацыяльнай, эканамічнай і палітычнай сферах жыцця краін вывучаных моў.

Адукацыйны працэс грунтуецца на інавацыйных педагагічных тэхналогіях крэатыўнага навучання, што камбінуюць прафесійна арыентаваны, кампетэнтнасны, камунікатыўны і акцыянальны падыходы. Шырока выкарыстоўваюцца метад праектаў, кейс-тэхналогіі, інфармацыйныя камунікатыўныя тэхналогіі, мультымедыйныя сродкі навучання, адукацыйныя інтэрнет-рэсурсы, айчынныя і замежныя метадычныя комплексы, а таксама навучальныя і вучэбна-метадычныя дапаможнікі, падрыхтаваныя выкладчыцкім складам кафедры. Многія заняткі праводзяцца з удзелам носьбітаў французскай, нямецкай, іспанскай і партугальскай моў: прадстаўнікоў дыпламатычнага корпуса, бізнесменаў, дзеячаў культуры і мастацтваў, якія наведваюць нашую краіну, валанцёраў Беларускай асацыяцыі клубаў ЮНЕСКА.

Навучальныя і вучэбна-метадычныя выданні і комплексы

Навуковая праца

У межах навукова-даследчай дзейнасці кафедрай распрацоўваецца тэма «Лінгвадыдактычная канцэпцыя прафесійна арыентаванага навучання замежнай мове ў вну эканамічнага профілю». Педагагічны склад кафедры бярэ актыўны ўдзел у міжнародных і рэспубліканскіх навуковых канферэнцыях і круглых сталах па лінгвістычнай праблематыцы і лінгвадыдактыцы. Вынікі навуковай працы знаходзяць адлюстраванне ў дакладах навуковых форумаў, канферэнцый і семінараў, апублікаваных артыкулах (больш за 60 публікацый за 2021 год), а таксама ў навучальных і вучэбна-метадычных дапаможніках, распрацоўках і комплексах, што размяшчаюцца ў лакальнай сетцы ўніверсітэта, на афіцыйных адукацыйных парталах ці папяровых носьбітах.

Выкладчыцкі склад кафедры кіруе навукова-даследчай працай студэнтаў і магістрантаў. Штогод праводзяцца студэнцкія канферэнцыі і круглыя сталы на замежных мовах, прысвечаныя эканамічнай, сацыяльнай і грамадска-палітычнай тэматыцы. Матэрыялы дакладаў пераможцаў публікуюцца ў зборніках студэнцкіх навуковых прац.

Штогод кафедрай арганізуюцца і праводзяцца два этапы Алімпіяды па бізнес- і эканамічнай нямецкай, французскай і іспанскай мовах, падчас якіх студэнты-ўдзельнікі дэманструюць высокі ўзровень валодання замежнай мовай для прафесійных мэтаў. Алімпіяда па французскай і нямецкай мовах у бізнесе мае статус міжуніверсітэцкай.

Кафедра актыўна развівае міжнародныя адносіны з замежнымі партнёрамі. Пры ФМБК паспяхова функцыянуе адзіны ў краіне Цэнтр лацінаамерыканскіх даследаванняў, на базе якога праводзяцца шматлікія мерапрыемствы з удзелам прадстаўнікоў Венесуэлы, Уругвая, Чылі, Аргенціны, Кубы, Бразіліі (падрабязна пра дзейнасць Цэнтра на асобным сайце http://celbe.bseu.by/). У 2017 годзе адбылося ўрачыстае адкрыццё Цэнтра нямецкай мовы, эканомікі і культуры, Цэнтра партугальскай мовы і культуры.

Кафедра апякуецца супрацоўніцтвам БДЭУ з вну-партнёрам па праграме падвойных дыпломаў – Політэхнічным інстытутам г. Браганса (Партугалія).
Выкладчыкі французскай мовы заахвочваюць сваіх студэнтаў да ўдзелу ў міжнародных конкурсах, праектах і мерапрыемствах пад эгідай Асацыяцыі выкладчыкаў французскай мовы Беларусі і Пасольства Французскай Рэспублікі ў нашай краіне. Студэнты БДЭУ актыўна ўдзельнічаюць у дыскусійных клубах Французскай Медыятэкі ў г. Мінску, у штогадовых праектах і мерапрыемствах у межах Франкафоніі, неаднаразова перамагалі і займалі прызавыя месцы ў Міжнародным конкурсе французскай мовы ў бізнесе "Mots d'Or".

З 2016 года пры кафедры функцыянуе студэнцкая навукова-даследчая лабараторыя «Лінгваэканаміст», што аб'ядноўвае студэнтаў, якія цікавяцца сучаснымі навуковымі даследаваннямі краін вывучаных моў ды імкнуцца да пошукавай творчасці і пашырэння свайго навуковага патэнцыялу.

Кафедра падтрымлівае цесныя сувязі з іншымі вну Рэспублікі Беларусь, у прыватнасці, з факультэтам нямецкай мовы, факультэтам раманскіх моў і факультэтам міжкультурных камунікацый МДЛУ, філалагічным факультэтам і факультэтам міжнародных адносін БДУ.

Выкладчыкі кафедры ўвесь час удасканальваюць свае прафесійныя навыкі: павышаюць кваліфікацыю ў галоўных установах адукацыі нашай краіны, а таксама штогод выйграюць гранты на стажыроўкі за мяжой (Германія, Францыя, Іспанія, Партугалія).

У межах дзейнага двухбаковага пагаднення з Маскоўскім гарадскім педагагічным універсітэтам кафедра рэалізуе сумесныя праекты, міжнародныя фестывалі і навукова-практычныя канферэнцыі.

Дзейнасць кафедры накіраваная на фарміраванне полікультурнай асобы будучага спецыяліста эканамічнага профілю, а таксама на развіццё кампетэнцый студэнтаў у сферы міжкультурных зносін.

Асноўныя навучальныя выданні, падрыхтаваныя выкладчыкамі кафедры за апошнія гады:

1. Коцаренко, А.М. Немецкий язык = Deutsch: учеб. пособие / А.М. Коцаренко, Е.Л.Москалева, Г.Л.Иваненко. – Минск: БГЭУ, 2022. – 139 с.
2. Пантелеева, И.В. Французский язык для начинающих: вводный курс = Français pour débutants: cours d'initiation: учеб.-метод.пособие / И.В.Пантелеева, Т.Н.Десова. – Минск: БГЭУ, 2021. – 156 с.
3. Ковалькова, Т.В. Испанский язык. Профессиональная коммуникация в сфере экономики = Comunicación profesional en la economía: учеб. пособие / Т.В. Ковалькова, Е.В. Дыро, М.Н. Мардыко. – Минск: БГЭУ, 2020. - 226 с.
4. Шевцова В.А., Плавинский Р.А., Бахун Т.П. Mündliche und schriftliche Sprachpraxis. Deutsch = Практика устной и письменной речи. Немецкий язык: учебное пособие /– Минск: «Вышэйшая школа», 2020. – 192 с.
5. Бартенева, И.И. Все аспекты туристической деятельности = Tous les aspects de l'activité touristique: учеб.-метод. пособие / И.И. Бартенева, И.В. Пантелеева. – Минск: Колорград, 2019. – 56 с.
6. Школина, И.М. Испанский язык (курс страноведения) = Español (curso de civilización española): учеб.-метод. пособие / И.М. Школина [и др.]. – Минск: БГЭУ, 2019. – 88 с.
7. Пантелеева, И.В. Французский язык: профессиональная коммуникация в сфере экономики = Français: communication professionnelle en économie: учеб.-метод. пособие по фр. яз. для экон. спец. / И.В. Пантелеева. – Минск: БГЭУ, 2019. – 69 с.