БЕЛАРУСКI ДЗЯРЖАЎНЫ
ЭКОНАМIЧНЫ ЎНIВЕРСIТЭТ

21 сакавіка на ўлікова-эканамічным факультэце БДЭУ прайшла IV Міжжуніверсітэцкая Алімпіяда па бухгалтарскім уліку "Не даходам эканомяць, а расходам".

У Алімпіядзе прынялі ўдзел каманды з Беларускага дзяржаўнага эканамічнага ўніверсітэта, Гродзенскага дзяржаўнага аграрнага ўніверсітэта, Брэсцкага дзяржаўнага тэхнічнага ўніверсітэта, Баранавіцкага дзяржаўнага ўніверсітэта, Беларускай дзяржаўнай сельскагаспадарчай акадэміі і Беларускага дзяржаўнага ўніверсітэта харчовых і хімічных тэхналогій.

З прывітальным словам да ўдзельнікаў звярнуліся прарэктар па ідэалагічнай і выхаваўчай рабоце Сяргей Іванавіч СКРЫБА і намеснік дэкана ўлікова-эканамічнага факультэта Вольга Уладзіміраўна МАЛІНОЎСКАЯ.

Сяргей Іванавіч адзначыў, што спецыяльнасць "Бухгалтарскі ўлік" з'яўляецца вельмі запатрабаванай. Ён падкрэсліў, што Алімпіяда дасць магчымасць кожнаму праявіць сябе і зрабіць важны крок, каб вытрымаць канкурэнцыю ў гэтай сферы.

Сяргей Іванавіч пажадаў удзельнікам упартай барацьбы і далейшых прафесійных поспехаў.

У якасці журы выступілі прадстаўнікі арганізацый-заказчыкаў кадраў:
Певень Аляксей Генадзевіч кіруючы партнёр ТАА «ФБК-Бел».
Моніч Яўгенія Сяргееўна, аўдытар ТАА «Кэпт»,
Сантэрская Алена Анатольеўна, кіраўнік аддзела аўдыту ТАА "ГрандБизнес Эксперт",
Макей Наталля Міхайлаўна, партнёр па персанале ТАА "ГрандБизнес Эксперт",
Галубцова Ірына Аляксандраўна, менеджэр па працы з персаналам ТАА «Бізнес Ашурэнс».

Таксама пастаянным партнёрам выступілі ТАА "ЮрСпектр".

Алімпіяда ўключала ў сябе наступныя этапы: візітоўка-прывітанне каманд, камандны конкурс "Аднаўленне бухгалтарскіх рэгістраў і справаздачнасці пасля надзвычайнай сітуацыі"", конкурс Капітанаў і Практычны тур Алімпіяды.

Вынікі IV Міжжуніверсітэцкай Алімпіяды па бухгалтарскім уліку "Не даходам эканомяць, а расходам" былі вызначаны журы наступным чынам:

Лаўрэат Алімпіяды - каманда Беларускай дзяржаўнай сельскагаспадарчай акадэміі.
1 месца - каманда Беларускага дзяржаўнага эканамічнага ўніверсітэта;
2 месца - каманда Баранавіцкага дзяржаўнага ўніверсітэта;
3 месца - каманда Гродзенскага дзяржаўнага аграрнага універсітэта.
Ад усёй душы віншуем удзельнікаў IV Міжжуніверсітэцкай Алімпіяды па бухгалтарскім уліку і жадаем ім поспехаў у творчай і навуковай дзейнасці!

У гэты ж дзень на УЭФ праходзіў IV Навуковы Форум па аналізе гаспадарчай дзейнасці. Тэма Форума "Аналіз гаспадарчай дзейнасці ў кіраванні бізнесам: вопыт, праблемы і перспектывы развіцця".

Члены журы на чале з прарэктарам па навуковай рабоце Аляксеем Аляксандравічам БЫКАВЫМ адзначылі высокі ўзровень падрыхтоўкі ўсіх удзельнікаў і выбралі самыя яркія і змястоўныя работы.

Вынікі IV Навуковага Форума па аналізе гаспадарчай дзейнасці:

1 месца - БДЭУ;
2 месца - БарДУ;
3 месца - БДСГА.

Віншуем удзельнікаў Міжуніверсітэцкага Форума з цудоўнымі выступленнямі! Жадаем далейшага развіцця і новых бліскучых вынікаў!