БЕЛАРУСКI ДЗЯРЖАЎНЫ
ЭКОНАМIЧНЫ ЎНIВЕРСIТЭТ

13 мая базе Цэнтра лацінаамерыканскіх даследаванняў пры факультэце міжнародных бізнес-камунікацый Беларускага дзяржаўнага эканамічнага ўніверсітэта адбыўся штогадовы навуковы семінар на тэму: "Лацінаамерыканскі вектар у міжнародным супрацоўніцтве: эканамічныя і сацыякультурныя аспекты".

Мерапрыемства аб'яднала студэнтаў усіх факультэтаў БДЭУ, якія вывучаюць іспанскую мову і цікавяцца пытаннямі сацыяльна-эканамічнага развіцця краін Лацінскай Амерыкі і Карыбскага басейна, а таксама супрацоўніцтвам нашай краіны з краінамі рэгіёна. У рамках семінара былі прадстаўлены навуковыя даклады, прысвечаныя ключавым аспектам міжнароднага ўзаемадзеяння з лацінаамерыканскім светам: эканамічным тэндэнцыям, сацыякультурнай спецыфіцы, пытанням сацыяльнай палітыкі, экалагічным выклікам і ролі рэгіёна на глабальнай арэне.

Кульмінацыйным элементам праграмы гэтага года з'явіўся анлайн-удзел у працы семінара ВНУ-партнёра БДЭУ - Федэральнага ўніверсітэта Мінас-Жерайс (Федэратыўная Рэспубліка Бразілія). Універсітэт прадстаўляў прарэктар па міжнародных сувязях, доктар юрыдычных навук, прафесар факультэта права Азіз Туфі Саліба, які наведваў наш універсітэт па праграме "Запрошаны прафесар" у кастрычніку 2024 года. Прафесар Саліба звярнуўся з прывітальным словам да ўдзельнікаў семінара, адказаў на пытанні студэнтаў і высока ацаніў узровень даследаванняў, прадстаўленых студэнтамі 3 і 4 курсаў ФМБК на іспанскай мове.

У ходзе навуковай дыскусіі абмяркоўваліся магчымасці пашырэння акадэмічнага супрацоўніцтва, перспектывы развіцця двухбаковых праектаў. Па просьбе студэнтаў БДЭУ у лістападзе 2025 года будзе арганізавана сумеснае навуковае анлайн-мерапрыемства са студэнтамі-лінгвістамі бразільскага універсітэта.

Арганізатары мерапрыемства ўпэўнены, што арганізацыя такіх навуковых семінараў садзейнічае фарміраванню ў студэнтаў даследчых і аналітычных кампетэнцый, развіццю глабальнага крытычнага мыслення, а таксама паглыбленаму разуменню працэсаў, якія адбываюцца ў краінах Лацінскай Амерыкі ў кантэксце іх нарастальнай ролі на сусветнай арэне.