БЕЛАРУСКI ДЗЯРЖАЎНЫ
ЭКОНАМIЧНЫ ЎНIВЕРСIТЭТ

14 мая студэнты Беларускага дзяржаўнага эканамічнага ўніверсітэта факультэта эканомікі і менеджменту наведалі Палату прадстаўнікоў Нацыянальнага сходу Рэспублікі Беларусь, дзе адбылася сустрэча са старшынёй Пастаяннай камісіі Савета Рэспублікі па міжнародных справах і нацыянальнай бяспецы Сяргеем Анатольевічам Рачковым.

Маладыя людзі даведаліся пра мноства цікавых фактаў аб Доме Урада, убачылі ўнікальныя гістарычныя фатаграфіі і пагрузіліся ў атмасферу работы парламента. Сяргей Анатольевіч падрабязна расказаў аб дзейнасці дэпутатаў, што выклікала жывую цікавасць і актыўнае абмеркаванне.

У несумненнай важнасці інфармацыйнай сустрэчы можна пераканацца са слоў саміх студэнтаў БДЭУ - Марыі Мельцішынавай і Паліны Латышэвіч:
«Сёння мы даведаліся пра гісторыю будынка і структуру Парламента. За дзве гадзіны, праведзеных у Доме Урада, мы адчулі адказнасць, якая ляжыць не толькі на парламентарыях, але і на грамадзянах Рэспублікі Беларусь і праяўляецца ў актыўным удзеле кожнага з нас ва ўдасканаленні асноўных сфер жыцця краіны».

"Як студэнты, якія навучаюцца па спецыяльнасці "Дзяржаўнае кіраванне і эканоміка", мы лічым, што дадзенае мерапрыемства з'яўляецца добрай асновай для фарміравання правільных поглядаў у моладзі і ўзмацняе матывацыю ў будучыні працаваць у сістэме дзяржаўнага кіравання".

Дыялог з Сяргеем Анатольевічам Рачковым прымусіў маладых беларусаў задумацца аб сваёй ролі ў развіцці дзяржавы і ўмацаваў іх імкненне да актыўнага ўдзелу ў жыцці краіны.