БЕЛАРУСКI ДЗЯРЖАЎНЫ
ЭКОНАМIЧНЫ ЎНIВЕРСIТЭТ

Шэсць гадоў таму Гаа Я прыехала ў Беларусь, амаль не ведаючы мовы і мясцовых традыцый. Сёння яна — магістрантка факультэта фінансаў і банкаўскай справы, свабодна размаўляе па-руску і дзеліцца ўражаннямі аб жыцці і вучобе ў Мінску.

«Калі я толькі прыехала, амаль не валодала рускай, - успамінае Гао Я, - але падрыхтоўчыя курсы пры БДЭУ дапамаглі мне не толькі асвоіць мову, але і адчуць упэўненасць». Паводле яе слоў, выкладчыкі былі цярплівымі і ўважлівымі, а беларускія студэнты - добразычлівымі і адкрытымі.

Пасля заканчэння курсаў яна паступіла на факультэт фінансаў і банкаўскай справы, а цяпер працягвае навучанне ў магістратуры па накіраванні "Фінансы і крэдыт". «Мне вельмі падабаецца праграма: высокі ўзровень выкладання і глыбокія веды, якія я атрымліваю», — зазначае студэнтка.

Гао Я жыве ў студэнцкім інтэрнаце і задаволеная ўмовамі пражывання. «Пакоі чыстыя і ўтульныя, усё неабходнае ёсць», - распавядае яна. Менск стаў для яе камфортным і спакойным горадам: «Тут чыста, ціха, а людзі - добрыя і спагадныя».

Гісторыя Гао Я натхніла сям'ю: зараз яе малодшая сястра таксама вучыцца на падрыхтоўчых курсах БДЭУ.

На пытанне, што б яна параіла замежным абітурыентам, Гао Я адказвае: «Не бойцеся прыязджаць у Беларусь - тут заўсёды падтрымаюць. Галоўнае - вучыце рускую мову. Гэта важна для вучобы, зносін і адаптацыі. І, вядома, трэба старацца, прыкладаць намаганні - тады ўсё атрымаецца».

Гао Я не плануе спыняцца на дасягнутым. У яе планах - паступленне ў аспірантуру. «Я хачу працягваць вучобу і займацца навуковай дзейнасцю. Беларусь дала мне шанец рэалізаваць сябе, і я маю намер выкарыстоўваць яго па максімуме».