БЕЛАРУСКI ДЗЯРЖАЎНЫ
ЭКОНАМIЧНЫ ЎНIВЕРСIТЭТ

4 снежня факультэт маркетынгу і лагістыкі праводзіць маладзёжны экалагічны фестываль Green Fest – унікальная падзея, якая аб'ядноўвае прадстаўнікоў беларускіх і замежных ВНУ, каледжаў, гімназій, школ. Удзельнікамі і запрошанымі гасцямі фестывалю стануць прадстаўнікі: Міністэрства прыродных рэсурсаў і аховы навакольнага асяроддзя Рэспублікі Беларусь, СЗАТ "Кампанія па развіцці індустрыяльнага парку", Інстытута дадатковай адукацыі БДУ, у тым ліку Кубанскага дзяржаўнага ўніверсітэта. У гэтым годзе фестываль абяцае быць асабліва яркім і насычаным.

У рамках мерапрыемства адбудуцца некалькі ключавых падзеяў:
Панэльная дыскусія «Green Talks» - унікальная магчымасць для студэнтаў і маладых спецыялістаў абмеркаваць перспектывы зялёнага бізнесу, падзяліцца вопытам і наладзіць карысныя сувязі ў сферы экалогіі.

Конкурс «Эка-архітэктары» - маладыя таленты прадставяць свае праекты ў галіне экалогіі і ўстойлівага развіцця.

Конкурс «Эка-першапраходцы» – для навучэнцаў каледжаў і школ. На гэтай секцыі юныя эколагі прапануюць свае відэаролікі, накіраваныя на паляпшэнне экалагічнай сітуацыі ў іх рэгіёнах.

У рамках Фестывалю будзе сфарміраваны зборнік матэрыялаў V Міжнароднай навукова-практычнай канферэнцыі "Экалогія. Чалавек. Бізнэс".

Фестываль таксама ўключае мерапрыемствы інтэрактыўнай пляцоўкі:
- «Зарадка»;
- Арт-аб'ект «Дрэва Green Fest 2025», дзе ўдзельнікі прымацоўваюць свае намеры аб эка-паводзінах, напісаныя імі на каляровых стыкерах. Колер абазначае тэрмін рэалізацыі намеру;
- Акцыя «Падары цацку дзецям».

Green Fest - гэта выдатная платформа для зносін, абмену ідэямі і вырашэння надзённых экалагічных праблем. Запрашаем усіх далучыцца да гэтай важнай падзеі і стаць часткай экалагічнага руху 4 снежня!