БЕЛАРУСКI ДЗЯРЖАЎНЫ
ЭКОНАМIЧНЫ ЎНIВЕРСIТЭТ

21 лістапада адбылася канферэнцыя пярвічнай прафсаюзнай арганізацыі студэнтаў БДЭУ.

У ходзе работы былі разгледжаны ключавыя пытанні: вынікі выканання пагаднення паміж прафкамам студэнтаў БДЭУ і універсітэтам за 2022–2025 гады, заключэнне новага пагаднення на 2025–2028 гады, а таксама змяненні ў складзе прафсаюзнага камітэта. Па кожным пункце былі прадстаўлены даклады аб дзейнасці прафкама, праведзена абмеркаванне і галасаванне, па выніках якога прыняты адпаведныя рашэнні.

На дадзены момант першасная прафсаюзная арганізацыя студэнтаў БДЭУ аб'ядноўвае 7217 сябраў.

У ліку запрошаных гасцей прысутнічалі прадстаўнікі Беларускага прафесійнага саюза работнікаў адукацыі і навукі:
• Рубанік Таццяна Міхайлаўна, загадчык аддзела па рабоце з установамі вышэйшай адукацыі;
• Клішэвіч Наталля Валер'еўна, галоўны спецыяліст аддзела па рабоце з установамі вышэйшай адукацыі.

Адзначалася, што дзейнасць прафсаюзнай арганізацыі адыгрывае важную ролю ў забеспячэнні сацыяльнай падтрымкі студэнтаў, развіцці іх ініцыятываў і ўмацаванні ўзаемадзеяння з універсітэтам.

Напрыканцы канферэнцыі адбылося ўзнагароджанне актыўных студэнтаў, якія ўнеслі значны ўклад у дзейнасць прафсаюзнай арганізацыі.