БЕЛАРУСКI ДЗЯРЖАЎНЫ
ЭКОНАМIЧНЫ ЎНIВЕРСIТЭТ

24 лістапада ў Беларускім дзяржаўным эканамічным універсітэце адбылося адкрыццё маладзёжнага саміту «Расія – Беларусь: Гісторыя. Памяць. Перамога».

Моладзь з Беларусі і Расіі абмяркоўвала ключавыя напрамкі супрацоўніцтва дзвюх краін у фармаце дыскусійных пляцовак. Сярод тэм - эканамічная бяспека, тэхналагічны суверэнітэт і роля маладзёжнай народнай дыпламатыі ва ўмацаванні Саюзнай дзяржавы.

На адкрыцці прысутнічалі ганаровыя госці:
- Таццяна Уладзіміраўна Садоўская - першы прарэктар БДЭУ;
- Андрэй Васільевіч Басак - намеснік старшыні РГА "Белая Русь";
- Мікалай Яўгенавіч Бузін - дэпутат, старшыня Пастаяннай камісіі па правах чалавека, нацыянальных адносінах і сродках масавай інфармацыі Палаты прадстаўнікоў Нацыянальнага сходу;
-Мікалай Лявонцьевіч Мыслівец - дырэктар Інстытута сацыялогіі Нацыянальнай акадэміі навук;
- Арцём Васільевіч Свірыдаў - прарэктар па ідэалагічнай і выхаваўчай рабоце БДУФК;
- Наталля Уладзіміраўна Воранава - старшыня Мінскай гарадской арганізацыі "Белая Русь";
- Юлія Валянцінаўна Ажогіна - кіраўнік аддзела па сувязях з грамадскасцю НДЛУ.

Першы прарэктар БДЭУ Таццяна Уладзіміраўна Садоўская падкрэсліла, што агульная памяць аб гераічным мінулым дапамагае захоўваць мір і развіваць сяброўства паміж народамі.

Праграма саміту ўключала дэбаты клуба "Кропка Кіпення" і фарсайт-сесію "Саюзная дзяржава - 2035". Студэнты прагназавалі будучыню міждзяржаўных адносін і прапаноўвалі праекты па развіццю супрацоўніцтва.

Па выніках напружанай дыскусіі перамогу атрымалі студэнты Ніжагародскага дзяржаўнага лінгвістычнага ўніверсітэта.

У рамках фарсайт-сесіі ўдзельнікі былі падзелены на 5 каманд, кожная з якіх даследавала сваю галіну супрацоўніцтва ў рамках Саюзнай дзяржавы.

Па выніках фарсайт-сесіі былі вызначаны пераможцы:
1 месца - каманда "Культура і гуманітарнае супрацоўніцтва";
2 месца - каманда "Маладзёжная палітыка і грамадзянская актыўнасць";
3 месца - каманда "Эканоміка і тэхналогіі".

Дэкан сацыяльна-эканамічнага факультэта Анастасія Алегаўна Буева адзначыла, што моладзь Беларусі і Расіі адзіная ў імкненні шанаваць гісторыю, берагчы памяць і разам працаваць над росквітам сваіх краін.

ВА "Белая Русь" БДЭУ выказвае ўдзячнасць РГА "Белая Русь", Інстытуту сацыялогіі НАН Беларусі і УА "Ваенная акадэмія Рэспублікі Беларусь" за садзейнічанне ў правядзенні саміту. Дзякуем кіраўніцтва ўніверсітэта, упраўленне па ідэалагічнай і выхаваўчай рабоце і бібліятэку за аказаную падтрымку.