БЕЛАРУСКI ДЗЯРЖАЎНЫ
ЭКОНАМIЧНЫ ЎНIВЕРСIТЭТ

23 снежня ў Беларускім дзяржаўным эканамічным універсітэце прайшло пашыранае пасяджэнне камітэта пярвічнай арганізацыі ГА "БРСМ" з правамі РК УА "БДЭУ".

З прывітальным словам да студэнтаў звярнуўся прарэктар па ідэалагічнай і выхаваўчай рабоце Сяргей Іванавіч Скрыба. Ён падзякаваў моладзі за актыўнасць і ініцыятыўнасць, адзначыў значнасць іх укладу ў развіццё ўніверсітэцкага жыцця, пажадаў поспехаў у рэалізацыі новых ідэй і павіншаваў з надыходзячымі святамі.

Паседжанне адкрыла старшыня БРСМ БДЭУ Карына Церахава, прадставіўшы склад актыву арганізацыі.

У ходзе мерапрыемства былі падведзены вынікі працы за 2025 год. Камандзіры і камісары выступілі з дакладамі аб удзеле БДЭУ у рэспубліканскіх, гарадскіх і раённых мерапрыемствах, праектах і акцыях. Было адзначана, што сёння ў шэрагах БРСМ БДЭУ знаходзяцца 5873 студэнты, што пацвярджае высокі ўзровень уцягнутасці моладзі ў грамадскае жыццё ўніверсітэта.

Асаблівую ўвагу надалі тэме развіцця студэнцкіх будаўнічых атрадаў: за мінулы год БРСМ БДЭУ супрацоўнічаў з 27 прымаючымі арганізацыямі, было створана 72 студэнцкія атрады, а больш за 1200 студэнтаў атрымалі магчымасць працаўладкавання.

Таксама былі абмеркаваны планы і прыярытэтныя напрамкі дзейнасці на 2026 год, накіраваныя на далейшае развіццё маладзёжнай палітыкі і ўцягванне студэнтаў у грамадскае жыццё ўніверсітэта.

Па выніках пасяджэння лепшыя актывісты былі ўзнагароджаны за плённую працу і значны ўклад у развіццё маладзёжнага руху!