07.08.2026

У БДЭУ адбылася сустрэча з прадстаўніком Следчага камітэта

6 жніўня ў Беларускім дзяржаўным эканамічным універсітэце адбылася сустрэча працоўнага калектыву з прадстаўніком Заводскага раённага аддзела Следчага камітэта Рэспублікі Беларусь г. Мінска Раманам Аляксандравічам Ефімчанкам.

Галоўнай тэмай абмеркавання стала процідзеянне кіберзлачыннасці. Па статыстыцы ведамства, сёння больш за трэць злачынстваў здзяйсняецца ў сетцы Інтэрнэт.

Спікер падрабязна спыніўся на актуальных ашуканскіх схемах:

«Фэйк бос». Стварэнне зламыснікамі фальшывых акаўнтаў кіраўніцтва ВНУ ў мэнэджарах для збору персанальных даных супрацоўнікаў.
Званкі ад ілжэсупрацоўнікаў ведамстваў. Псіхалагічны ціск па відэасувязі пад выглядам міліцыі або камунальных службаў з мэтай афармлення крэдытаў.
Фішынг. Рассылка шкодных спасылак пад выглядам анлайн-галасаванняў, якая вядзе да ўзлому прылад.
Вымагальніцтва на гандлёвых пляцоўках. Блакіроўка iPhone праз чужы iCloud пры продажы тэхнікі на kufar.by.

Раман Ефімчанка нагадаў, што супрацоўнікі праваахоўных органаў ніколі не тэлефануюць у мэнэджарах. Для забеспячэння кібербяспекі прадстаўнік РАСК параіў усталяваць двухфактарную аўтэнтыфікацыю ў Telegram, выкарыстоўваць асобную карту для пакупак у інтэрнэце і правяраць падазроныя спасылкі на афіцыйным рэсурсе проверь.бел.

У завяршэнне сустрэчы Раман Аляксандравіч адказаў на пытанні прысутных.