БЕЛАРУСКI ДЗЯРЖАЎНЫ
ЭКОНАМIЧНЫ ЎНIВЕРСIТЭТ

У Беларускім дзяржаўным эканамічным універсітэце завяршыўся цыкл адкрытых сустрэч кіраўніцтва ВНУ са студэнтамі першага курса, які праходзіў на працягу верасня ў межах «Месяца першакурсніка». Прадстаўнікі кіраўніцтва наведалі ўсе факультэты ўніверсітэта, каб дапамагчы студэнтам новага набору хутчэй адаптавацца да вучобы і пазнаёміцца з жыццём ВНУ. Перад першакурснікамі выступілі рэктар БДЭУ Аляксей Уладзіміравіч Ягораў, прарэктар па ідэалагічнай і выхаваўчай працы Сяргей Іванавіч Скрыба, прарэктар по навуковай працы Аляксей Аляксандравіч Быкаў, а таксама кіраўнікі факультэтаў.

Падчас сустрэч студэнтам падрабязна расказалі пра арганізацыю навучальнага працэсу, абавязкі старастаў груп і крытэрыі паспяховай вучобы. Асаблівую ўвагу адміністрацыя звярнула на строгае захаванне Правілаў унутранага распарадку БДЭУ і навучальнай дысцыпліны. Першакурснікам нагадалі пра важнасць своечасова прыходзіць на заняткі, прытрымлівацца дзелавога стылю адзення і правілаў акадэмічнага этыкету пры зносінах з выкладчыкамі.

Разам з вучобай на сустрэчах дэталёва абмеркавалі бытавыя і сацыяльныя пытанні. Студэнтам растлумачылі правілы пражывання ў гуртажытках, нюансы адаптацыі ў Мінску, а таксама нагадалі пра правілы асабістай бяспекі і абарону ад інтэрнэт-ашуканцаў. Акрамя таго, хлопцаў і дзяўчат пазнаёмілі з магчымасцямі для пазавучэбнай дзейнасці: працай першаснай прафсаюзнай арганізацыі студэнтаў, ПА ГА «БРСМ», Маладзёжнага крыла Беларускага саюза жанчын, творчых калектываў, спартыўных секцый і студэнцкіх атрадаў. Для тых, хто цікавіцца навукай, расказалі пра дзейнасць студэнцкіх навукова-даследчых лабараторый (СНДЛ) і міжнародныя стажыроўкі. Напрыканцы кожнай сустрэчы студэнты маглі напрамую задаць пытанні кіраўніцтву ВНУ і атрымаць на іх адказы.