05.10.2026

Рэктар БДЭУ прыняў удзел у пасяджэнні Экспертнага савета пры Пастаянным камітэце Саюзнай дзяржавы

2 кастрычніка ў Кітайска-беларускім індустрыяльным парку «Вялікі камень» адбылося пасяджэнне Экспертнага савета пры Пастаянным камітэце Саюзнай дзяржавы на тэму «Асаблівасці гандлёва-эканамічнага і інвестыцыйнага супрацоўніцтва ў Саюзнай дзяржаве». У пасяджэнні прыняў удзел рэктар БДЭУ Аляксей Уладзіміравіч Ягораў.

Работу пасяджэння ўзначаліў Дзяржаўны сакратар Саюзнай дзяржавы, акадэмік РАН Сяргей Юр'евіч Глазьеў; прысутнічалі кіраўнікі беларускіх інавацыйных кампаній, прадстаўнікі міністэрстваў, ведамстваў, навукі і бізнес-супольнасці.

На пасяджэнні абмяркоўваліся пытанні патэнцыялу гандлёва-эканамічнага і інвестыцыйнага супрацоўніцтва Беларусі і Расіі; асаблівасцей інвестыцыйнага ўзаемадзеяння з партнёрамі з Кітайскай Народнай Рэспублікі і іншых дзяржаў Азіяцка-Ціхаакіянскага рэгіёна; павышэння інвестыцыйнай прывабнасці Беларусі і Расіі.

Былі прадстаўлены вынікі дзейнасці найбольш паспяховых інавацыйных пляцовак і праектаў Беларусі, уключаючы Парк высокіх тэхналогій і рэзідэнтаў Кітайска-беларускага індустрыяльнага парку «Вялікі камень». Разгледжаны магчымасці стымулявання прамысловай кааперацыі ў рамках ініцыятывы «Тавар Саюзнай дзяржавы».

Вынікі абмеркавання прадэманстравалі значныя дасягненні інавацыйнага сектара беларускай эканомікі, якія забяспечваюць міжнародную канкурэнтаздольнасць нацыянальнай эканомікі ва ўзаемадзеянні з партнёрамі з Расійскай Федэрацыі і Кітайскай Народнай Рэспублікі.

На фота: рэктар БДЭУ Аляксей Уладзіміравіч Ягораў з дырэктарам Міждзяржаўнага навукова-даследчага інстытута праблем кіравання, членам Рымскага клуба Аляксандрам Іванавічам Агеевым.