БЕЛАРУСКI ДЗЯРЖАЎНЫ
ЭКОНАМIЧНЫ ЎНIВЕРСIТЭТ

30 кастрычніка з 11:00 да 14:00 у спартыўнай зале вучэбнага корпуса №2 БДЭУ адбудзецца традыцыйная Ярмарка вакансій «Крок у прафесію». Мерапрыемства збярэ вядучых працадаўцаў рэальнага сектара эканомікі, а таксама студэнцкую моладзь.

Рэгістрацыя прадстаўнікоў запрошаных арганізацый пачнецца ў 10:00.

Мерапрыемства стане выдатнай магчымасцю вывучыць рэальныя запыты рынку працы і даведацца, якія патрабаванні працадаўцы прад'яўляюць да маладых спецыялістаў. У рамках ярмаркі ўдзельнікі змогуць пагутарыць з прадстаўнікамі кампаній, азнаёміцца з іх прапановамі, а таксама знайсці месца для праходжання практыкі, стажыроўкі або будучага размеркавання.

Для кампаній ярмарка – гэта магчымасць прэзентаваць сваю дзейнасць і папоўніць шэрагі супрацоўнікаў таленавітымі студэнтамі.

Для пацверджання ўдзелу арганізацыям-заказчыкам кадраў неабходна падаць заяўку да 23 кастрычніка ў рэгістрацыйнай форме па спасылцы...

Атрымаць дадатковую інфармацыю па пытаннях удзелу ў мерапрыемстве можна, звязаўшыся са спецыялістамі па электроннай пошце practice@bseu.by або па тэлефоне +375 17 209 88 07 (кантактная асоба – Качаргіна Кацярына Васільеўна).