Мерапрыемства ўрачыста адкрыў Прэзідэнт Рэспублікі Беларусь Аляксандр Рыгоравіч Лукашэнка. У сваім выступленні кіраўнік дзяржавы адзначыў: «Кожны год мы стараемся зрабіць нашу канферэнцыю актуальнай, карыснай і максімальна насычанай. Пры гэтым само жыццё падказвае нам сюжэты парадку дня мерапрыемства».

У пленарным пасяджэнні таксама прынялі ўдзел міністр замежных спраў РФ Сяргей Віктаравіч Лаўроў, прадстаўнікі знешнепалітычных ведамстваў іншых дзяржаў і кіраўнікі міжнародных арганізацый.

У другі дзень канферэнцыі прадстаўнікі ФМЭА прынялі ўдзел у тэматычнай сесіі «Роля жанчын ва ўмацаванні міжнароднага міру і бяспекі. Ад гендарнай роўнасці да ўстойлівага развіцця». Зварот да дадзенай тэматыкі набывае асаблівую актуальнасць у сучасных міжнародных умовах, якія характарызуюцца трансфармацыяй сусветнай палітычнай сістэмы, ростам геапалітычнай напружанасці і пошукам новых механізмаў забеспячэння міжнароднай бяспекі. Асаблівую значнасць абмеркаванню надае і той факт, што 2026 год у Рэспубліцы Беларусь абвешчаны Годам беларускай жанчыны, што падкрэслівае важнасць прызнання ўкладу жанчын у захаванне і развіццё грамадства, умацаванне сям'і, эканомікі і сацыяльных інстытутаў, а таксама пашырэнне іх магчымасцей для прафесійнай і грамадска-палітычнай самарэалізацыі.

Дыскусія аб'яднала прадстаўнікоў парламенцкай супольнасці, навукова-экспертных колаў і міжнародных арганізацый з Беларусі, Расіі, Кітая, Сербіі і Кыргызстана. У цэнтры ўвагі ўдзельнікаў апынуліся пытанні жаночай парламенцкай дыпламатыі, развіцця міжпарламенцкага супрацоўніцтва, удзелу жанчын у працэсах кантролю над узбраеннямі, раззбраення і нераспаўсюджання, а таксама ролі моладзі ў прасоўванні міжнароднага парадку дня міру і бяспекі. Важнай складовай часткай абмеркавання стала асэнсаванне ўзаемасувязі гендарнай роўнасці, сацыяльнай устойлівасці, дэмаграфічнага дабрабыту і нацыянальнай бяспекі: узнімаліся пытанні ўдзелу жанчын і мужчын у вырашэнні дэмаграфічных задач, умацаванні інстытута сям'і і стварэнні ўмоў для дабрабыту будучых пакаленняў.

Для Беларусі правядзенне такіх мерапрыемстваў – важны ўклад у развіццё міжнароднага дыялогу і ўмацаванне аўтарытэту краіны на сусветнай арэне. Для выкладчыкаў і акадэмічнай супольнасці ўдзел у канферэнцыі – магчымасць быць у цэнтры актуальнага міжнароднага парадку дня, пашыраць прафесійны кругагляд і прыўносіць рэальныя прыклады сучаснай дыпламатыі ў адукацыйны працэс.