Кафедра міжнароднага бізнесу

Турбан Галіна Уладзіміраўна, кандыдат эканамічных навук, дацэнт – загадчык кафедры міжнароднага бізнесу з 2001 г.

Кафедра міжнароднага бізнесу была створана 28 верасня 2001 г. Яна з'яўляецца пераемніцай кафедры міжнародных эканамічных адносін, створанай у 1991 г. – першай у Рэспубліцы Беларусь кафедры па падрыхтоўцы эканамістаў-міжнароднікаў.

На кафедру міжнароднага бізнесу прыйшлі працаваць выкладчыкі, хто ў пачатку 90-х гадоў стаяў ля вытокаў распрацоўкі вучэбна-метадычнага забеспячэння і пачатку навучання студэнтаў спецыялізацыі «Эканоміка і кіраванне знешнеэканамічнай дзейнасцю» на дзённай і завочнай формах навучання, у тым ліку тых, якія атрымліваюць другую вышэйшую адукацыю.

Пры стварэнні кафедра міжнароднага бізнесу ўдзельнічала ў Праекце TEMPUS-TACIS "Эканоміка Еўрапейскага Саюза", які праводзіўся Беларускім дзяржаўным эканамічным універсітэтам сумесна з Універсітэтам Ліён-3 імя Жана Мулена (Францыя), Турынскім універсітэтам (Італія) і Ліёнскай гандлёва-прамысловай палатай.

У штаце кафедры працуюць 2 дактары навук, 8 кандыдатаў навук, 6 асістэнтаў. Выкладчыкі прайшлі падрыхтоўку ў найбуйнейшых універсітэтах і даследчых цэнтрах Велікабрытаніі, Германіі, Італіі, Кітая, Расіі, ЗША, Францыі. Гэта дазволіла ім далучыцца да перадавых навуковых школ сусветнай эканомікі і міжнароднага бізнесу, засвоіць сучасныя методыкі выкладання.

На працягу ўсяго часу iснавання кафедры вялікая ўвага надавалася і надаецца практыка-арыентаванаму падыходу ў навучанні студэнтаў-будучых спецыялістаў.