Факультэт эканомікі і менеджменту

Декан:

Петрычэнка Алена Уладзіміраўна
кандыдат эканамічных навук,
дацэнт

Зам. дэкана:

Анішчанка Валянціна Сяргееўна
кандыдат эканамічных навук,
дацэнт

Зам. дэкана:

Гуліна Вольга Валер'еўна
кандыдат фізіка-матэматычных навук,
дацэнт

Факультэт эканомікі і менеджменту (ФЭМ) – адзін са старэйшых факультэтаў, паколькі з'яўляецца правапераемнікам планава-эканамічнага факультэта, які з'явіўся ў структуры нашага ўніверсітэта яшчэ ў 1933 г.

За такую працяглую гісторыю ФЭМ дасягнуў значных вынікаў у падрыхтоўцы высокакваліфікаваных кадраў для эканомікі Рэспублікі Беларусь, бо спалучае ў сабе традыцыі ўніверсітэцкай адукацыі і назапашаны за шматгадовую гісторыю вопыт. Гэты бясспрэчны факт даказвае ўся гісторыя факультэта, сярод выпускнікоў якога міністры і намеснікі міністраў, топ-менеджэры буйных прадпрыемстваў, рэктар і прарэктары ва ўстановах адукацыі, кіраўнікі ў структуры органаў дзяржаўнага кіравання і мясцовага самакіравання і інш.

Кафедры

Унікальныя магчымасці

Сёння наш факультэт – гэта сучасная адукацыйная пляцоўка, на якой высокакваліфікаваны выкладчыцкі састаў ва ўзаемадзеянні з базавымі арганізацыямі рэальнага сектара эканомікі прапануе самы шырокі спектр спецыяльнасцяў эканоміка-кіраўніцкага профілю, падрыхтоўка па якіх дазволіць кожнаму рэалізаваць у далейшым самыя амбіцыйныя планы ў прафесійнай дзейнасці.

На факультэце штогод навучаецца звыш 2000 студэнтаў дзённай і завочнай формаў атрымання вышэйшай адукацыі I ступені. Паколькі дзейнасць факультэта накіравана не толькі на прафесійную падрыхтоўку спецыялістаў, але і на іх навуковы рост, студэнты прыцягваюцца да выканання НДР, што забяспечвае інтэграцыю навучальнага працэсу з навуковымі даследаваннямі і практыкай гаспадарання. Пры кожнай кафедры актыўна функцыянуюць студэнцкія навуковыя лабараторыі (СНДЛ), арганізавана магістратура, аспірантура і дактарантура.

Заняткі праводзяцца ў чацвёртым навучальным корпусе, дзе маюцца аўдыторыі, абсталяваныя мультымедыйнымі сістэмамі, камп’ютарныя класы з сучасным праграмным забеспячэннем, карпаратыўная сістэма сувязі з выхадам у Інтэрнэт і інш.

Спецыяльнасці

Факультэт ажыццяўляе падрыхтоўку спецыялістаў па наступных спецыяльнасцях і спецыялізацыях:

«Эканоміка і кіраванне» (прафілізацыі «Эканоміка і кіраванне на прадпрыемстве прамысловасці», «Кіраванне інтэлектуальнай уласнасцю", «Эканоміка і кіраванне на прадпрыемстве АПК», «Эканоміка прыродакарыстання», «Эканоміка працы»)
«Нацыянальная эканоміка»
«Дзяржаўнае кіраванне і эканоміка»
«Менеджмент» (прафілізацыі "Інавацыйны менеджмент", "Кіраванне персаналам")

Міжнародная дзейнасць

Факультэт эканомікі і менеджменту вядзе міжнародную дзейнасць у двух кірунках: развіццё адносін з замежнымі ВНУ і экспарт адукацыйных паслуг. Ён актыўна супрацоўнічае з 11 адукацыйнымі ўстановамі з Расіі, Украіны, Латвіі, Польшчы, Чэхіі, Германіі і Швецыі праз удзел выкладчыкаў у рабоце міжнародных праектаў, правядзенне міжнародных навуковых канферэнцый і семінараў, у тым ліку ў рэжыме on-line, акадэмічную мабільнасць выкладчыкаў і студэнтаў і т.п. З кожным годам на факультэце расце колькасць студэнтаў - грамадзян замежных дзяржаў: Расіі, Украіны, Літвы, Грузіі, Туркменістана, Казахстана, Узбекістана, КНР і інш.

На факультэце актыўна працуюць органы студэнцкага самакіравання: студсавет, прафбюро и бюро ПА «БРСМ», якія з'яўляюцца ініцыятарамі розных акцый і мерапрыемстваў. Па выніках сваёй дзейнасці ПА «БРСМ» і прафбюро студэнтаў ФЭМ прызнаюцца аднымі з лепшых ва ўніверсітэце на працягу шэрагу апошніх гадоў. Факультэт быў першым у БДЭУ, у якога па ініцыятыве студэнтаў з'явіліся свае сцяг і герб. ФЭМ мае свой гімн.

Факультэт эканомікі і менеджменту з'яўляецца адным з вядучых факультэтаў універсітэта, які актыўна ўдзельнічае ў розных напрамках вузаўскай дзейнасці. Яго вынікі штогод высока ацэньваюцца, забяспечваючы яму пастаянна лідзіруючыя пазіцыі ў аглядзе-конкурсе БДЭУ ў розных намінацыях па вучэбна-метадычнай, навукова-даследчай, ідэалагічнай і выхаваўчай рабоце. Паспяховыя студэнты факультэта эканомікі і менеджменту прыносяць яму перамогі ў міжнародных і рэспубліканскіх навуковых конкурсах і алімпіядах, творчых мерапрыемствах, спартыўных спаборніцтвах.

Перавагі выпускнікоў факультэта эканомікі і менеджменту:

універсальнасць і сістэмнасць ведаў і, адпаведна, шырокія магчымасці працаўладкавання і прафесійнага росту,
магчымасць працягу навучання на II ступені атрымання вышэйшай адукацыі па розных напрамках эканамічных навук,
глыбокія веды найноўшых прыёмаў і метадаў кіравання і эканамічнага аналізу,
высокая адаптацыя да рынкавых умоў на аснове практыка-арыентаванага навучання.