Улікова-эканамічны факультэт

Дэкан:

Уладзімір Антонавіч Беразоўскі,
кандыдат эканамічных навук,
дацэнт

УЭФ заснаваны ў 1933 годзе і з'яўляецца адным з найстарэйшых факультэтаў універсітэта. Узначальвае факультэт дэкан, кандыдат эканамічных навук, дацэнт Уладзімір Антонавіч Беразоўскі.

У цяперашні час у склад УЭФ ўваходзіць чатыры кафедры:
• бухгалтарскага ўліку, аналізу і аўдыту ў прамысловасці;
• бухгалтарскага ўліку, аналізу і аўдыту ў АПК і на транспарце;
• бухгалтарскага ўліку, аналізу і аўдыту ў гандлі;
• бухгалтарскага ўліку, аналізу і аўдыту ў галінах народнай гаспадаркі.

Прафесарска-выкладчыцкі склад факультэта непасрэдна ўдзельнічае ў распрацоўцы заканадаўчых і нарматыўных актаў Рэспублікі Беларусь па бухгалтарскаму ўліку, аналізу і аўдыту.

На кафедрах працуе 68 высокакваліфікаваных выкладчыкаў, з якіх 4 доктара навук, прафесараў, 44 кандыдата навук, дацэнта.

На факультэце навучаюцца больш за 1800 студэнтаў, у тым ліку 850 - на дзённай форме навучання, 970 - на завочнай.

УЭФ валодае моцнай матэрыяльнай базай для арганізацыі вучэбна-навуковай і культурна-масавай работы, рацыянальнага выкарыстання вольнага часу.

З першага курса студэнты факультэта далучаюцца да навуковай дзейнасці, прымаюць удзел у розных алімпіядах, канферэнцыях, форумах. На кафедрах арганізаваны і дзейнічаюць студэнцкія навуковыя гурткі, навукова-даследчыя лабараторыі, у якіх студэнты пад кіраўніцтвам вопытных педагогаў, вядомых навукоўцаў ажыццяўляюць распрацоўкі па актуальных эканамічных праблемах.

Кафедры факультэта ў рамках агульнауніверсітэцкай праграмы міжнароднага навукова-тэхнічнага супрацоўніцтва працуюць з ВНУ Украіны, Расіі, Малдовы, Кітая, Літвы, Польшчы і іншых краін.
Багатая падзеямі культурнае і спартыўнае жыццё студэнтаў факультэта. Традыцыйнымі з'яўляюцца штогадовыя экскурсійна-турыстычныя паездкі, спартыўна-творчыя конкурсы, навукова-пазнавальныя турніры. Спартыўныя каманды факультэта рэгулярна займаюць прызавыя месцы на спаборніцтвах рознага ўзроўню. Студэнты прымаюць актыўны ўдзел у універсітэцкіх, гарадскіх, рэспубліканскіх конкурсах і фестывалях. Удзельнікамі многіх мерапрыемстваў з'яўляюцца не толькі студэнты, але і магістранты, аспіранты, выкладчыкі факультэта.

Выпускнікі факультэта атрымліваюць глыбокія тэарэтычныя веды, практычныя навыкі арганізацыі бухгалтарскага ўліку, аналізу, падаткаабкладання і кантролю на прадпрыемствах розных галін і відаў дзейнасці. Таксама асвойваюць прававыя асновы прадпрымальніцтва і камерцыйнай дзейнасці, тэорыю грашова-крэдытных і фінансавых адносін і менеджменту, сучасныя інфармацыйна-камунікацыйныя тэхналогіі, міжнародныя стандарты ўліку і аўдыту. Атрымліваючы высокі ўзровень эканамічнай адукацыі, выпускнікі здольныя ў самыя кароткія тэрміны адаптавацца на вытворчасці. Прафесійная кваліфікацыя дазваляе ім працаваць на наступных пасадах:

• галоўных бухгалтараў, фінансавых дырэктараў і іх намеснікаў;
• рэвізораў і аўдытараў;
• спецыялістаў дзяржаўных кантрольных, фінансавых і падатковых органаў;
• мэнэджараў па ўліку і фінансах;
• спецыялістаў органаў дзяржаўнай статыстыкі, міністэрстваў, ведамстваў, навукова-даследчых устаноў і ўстаноў адукацыі.

Факультэт ажыццяўляе набор і падрыхтоўку спецыялістаў на дзённай і завочнай формах па спецыяльнасці «Бухгалтарскі ўлік, аналіз і аўдыт» па напрамках:
1-25 01 08-02 Бухгалтарскі ўлік, аналіз і аўдыт у бюджэтных арганізацыях
1-25 01 08-03 Бухгалтарскі ўлік, аналіз і аўдыт (у камерцыйных і некамерцыйных арганізацыях).

Па напрамку «Бухгалтарскі ўлік, аналіз і аўдыт у камерцыйных і некамерцыйных арганізацыях» падрыхтоўка ажыццяўляецца па наступных спецыялізацыях:

«Бухгалтарскі ўлік, аналіз і аўдыт ў прамысловасці»;
«Бухгалтарскі ўлік, аналіз і аўдыт у аграпрамысловым комплексе»;
«Бухгалтарскі ўлік, аналіз і аўдыт у будаўніцтве»;
«Бухгалтарскі ўлік, аналіз і аўдыт ў гандлі і грамадскім харчаванні»;
«Бухгалтарскі ўлік, аналіз і аўдыт у знешнеэканамічнай дзейнасці (толькі дзённая форма навучання)»;
«Бухгалтарскі ўлік, аналіз і аўдыт на прадпрыемстве транспарту».

На завочнай форме падрыхтоўка ажыццяўляецца на базе агульнай сярэдняй адукацыі і на базе сярэдняй спецыяльнай адукацыі (са скарочаным тэрмінам навучання). Выпускнікам дзённай і завочнай форм атрымання адукацыі прысвойваецца кваліфікацыя – эканаміст.

На факультэце вядзецца навучанне па праграмах магістарскай падрыхтоўкі спецыяльнасці «Бухгалтарскі ўлік, аналіз і аўдыт», а таксама ў аспірантуры па спецыяльнасці «Бухгалтарскі ўлік, статыстыка».