Факультэт маркетынгу і лагістыкі- 25 лет!

Дэкан:

Лапіна Святлана Мiкалаеўна
кандыдат эканамічных навук,
дацэнт

Намеснік дэкана:

Гулягіна Вольга Сяргееўна
кандыдат эканамічных навук,
дацэнт

Намеснік дэкана:

Паляшук Алена Мікалаеўна
магістр эканамічных навук

Факультэт створаны ў 1997 г. У цяперашні час на факультэце навучаюцца больш як 1600 студэнтаў, 50% – на дзённай і 50% – на завочнай формах навучання. Штогод факультэт выпускае каля 400 маладых спецыялістаў у вобласці транспартнай і складской лагістыкі, маркетынгу і рэкламы.

Факультэт сёння арыентаваны на ўзмацненне практычнай падрыхтоўкі спецыялістаў, развіццё прафесійных і навуковых сувязяў на нацыянальным і міжнародным узроўнях, плённае супрацоўніцтва і ўмацаванне партнёрскіх адносін з прадстаўнікамі беларускага бізнесу, прафесійных супольнасцей, выпускнікамі.

З 2021 года навучанне па ўсіх спецыяльнасцях ажыццяўляецца па новых навучальных планах, якія прадугледжваюць паглыбленне актуальных практычных навыкаў і выкарыстанне інавацыйных спосабаў выкладання.

Унікальныя магчымасці

За перыяд свайго існавання факультэт выпусціў больш за 10000 чалавек, якія працуюць у розных галінах і сферах дзейнасці ў Рэспубліцы Беларусь і за яе межамі.

Працэс навучання на факультэце прадугледжвае прыцягненне спецыялістаў рэальнага сектара ў межах правядзення майстар-класаў, гасцявых лекцый і практычных заняткаў, распрацоўкі і вырашэння практычных задач і кейсаў на базе філіялаў кафедр.

У 2021 годзе факультэтам упершыню быў арганізаваны Маладзёжны экалагічны фестываль "Грынфест 2021", у 2022 – форум "Лагістыка будучыні 2022".
Асноўнымі аспектамі развiцця адукацыйнага працэсу на факультэце з'яўляюцца: выкарыстанне інавацыйных формаў і методык навучання, практычная арыентаванасць вучэбных заняткаў, правядзенне важных студэнцкіх мерапрыемстваў у сферах маркетынгу і лагістыкі, павышэнне зацікаўленасці студэнтаў ва ўдзеле ў навукова-даследчым жыцці факультэта.

У складзе факультэта 3 кафедры:

Кафедры "Маркетынгу", "Лагістыкі і цэнавай палітыкі", "Прамысловага маркетынгу і камунікацый", з'яўляюцца выпускаючымi кафедрамі. Навуковыя інтарэсы кафедр ахопліваюць сферы рэкламы і інтэграваных маркетынгавых камунікацый, лагістыкі і закупак, зялёнай эканомікі, маркетынгавых даследаванняў, цэнаўтварэння.

Спецыяльнасці

Навучанне студэнтаў вядзецца па трох спецыяльнасцях:

"Маркетынг", выпускнікам надаецца кваліфікацыя "Маркетолаг-эканаміст";
"Лагістыка", выпускнікам надаецца кваліфікацыя "Лагістык-эканаміст";
"Рэкламная дзейнасць", выпускнікам надаецца кваліфікацыя "Спецыяліст па рэкламе".

У межах спецыяльнасцяў "Лагістыка" і "Рэкламная дзейнасць" прафілізацыі / (спецыялізацыі) не вылучаюцца. У межах спецыяльнасці «Маркетынг» падрыхтоўка ажыццяўляецца па наступных прафілізацыях / спецыялізацыях:

Маркетынг (без прафілізацыі);
Міжнародны маркетынг;
Межфірмавы маркетынг / (Прамысловы маркетынг);
- / (Цэнаўтварэнне).

Навучанне на факультэце вядзецца на дзённай, завочнай, завочнай скарочанай (ССА пасля профільнага каледжа) формах атрымання вышэйшай адукацыі.

Будучая кар’ера

Спецыяльнасць «Маркетынг»: Маркетынг (без прафілізацыі / спецыялізацыі)

У працэсе навучання студэнты спецыяльнасці вывучаюць шэраг эканамічных – "Статыстыка", "Эканаметрыка", "Сусветная эканоміка" – і спецыяльных – "Міжнародны маркетынг", "Інтэграваныя маркетынгавыя камунікацыі", "Маркетынгавыя даследаванні і аналітыка", "Інтэрнэт-маркетынг", "Стратэгічны маркетынг" – дысцыплін, якія фарміруюць прафесійныя навыкі і кампетэнцыі ў гэтай галіне; вучацца прагназаваць аб'ёмы продажу тавараў і паслуг, абгрунтоўваць мэтазгоднасць выпуску тых ці іншых тавараў, праектаваць рацыянальныя схемы руху тавараў і таварасуправаджэння, распрацоўваць крэатыўныя рэкламныя кампаніі, прапрацоўваць дзейсныя спосабы стымулявання продажу, выкарыстоўваць інструменты інтэрнэт-маркетынгу, абгрунтоўваць цэны на тавары і паслугі, ажыццяўляць сэрвіснае суправаджэнне тавараў.

Выпускнікі спецыяльнасці "Маркетынг" працуюць у спецыялізаваных маркетынгавых арганізацыях, якія аказваюць кансалтынгавыя маркетынг-паслугі, паслугі па правядзенню маркетынгавых даследаванняў, распрацоўцы маркетынг-планаў, падрыхтоўцы і суправаджэнню рэкламных кампаній, брэндынгавых, івэнт, SMM-агенцтвах, падраздзяленнях маркетынгу і рэкламы арганізацый.

Спецыяльнасць "Маркетынг": Міжнародны маркетынг

прафілізацыя / спецыялізацыі прадугледжвае падрыхтоўку спецыялістаў, якія добра ведаюць асаблівасці сусветных рынкаў, эканоміку сумесных і замежных прадпрыемстваў, міжнароднае права, міжкультурныя камунікацыі, замежныя мовы. Такія спецыялісты патрэбны ў міністэрствах і ведамствах, сумесных і замежных арганізацыях, знешнеэканамічных і знешнегандлёвых аддзелах арганізацый, арганізацыях і прадпрыемствах, якiя развіваюць знешнія сувязі, актыўна займаюцца экспартам, вывучэннем новых рынкаў, наладжваюць новыя каналы збыту за мяжой.

У навучальным плане прафілізацыі / спецыялізацыі прысутнічаюць такія дысцыпліны, як "Кіраванне міжнародным маркетынгам", "Міжкультурныя камунікацыі", "Паводзіны спажыўцоў і цэнавая палітыка на знешніх рынках".

Выпускнікі, якія скончылі гэтую прафілізацыю / спецыялізацыю, працуюць у міжнародных кампаніях, прадстаўніцтвах замежных кампаній у Беларусі, беларускіх кампаніях, якія арыентаваны на развіццё экспартнага патэнцыялу, праводзяць даследаванні і абслугоўванне знешніх рынкаў, рэалізуюць глабальныя маркетынгавыя і камунікацыйныя стратэгіі.

Спецыяльнасць "Маркетынг": Міжфірмавы маркетынг / (Прамысловы маркетынг)

Падрыхтоўка па прафілізацыі (спецыялізацыі) Міжфірмавы маркетынг / ("Прамысловы маркетынг") асноўваецца на паглыбленым вывучэнні асаблівасцяў маркетынгу на рынку прадпрыемстваў. Асноўнае адрозненне прамысловага маркетынгу ад спажывецкага складаецца ў тым, што маркетолагі гэтага профілю ўзаемадзейнічаюць не з канчатковымі спажыўцамі (насельніцтвам), а з арганізацыямі, якія набываюць тавары і паслугі для вытворчых патрэбаў або для ажыццяўлення гандлёва-пасрэдніцкай дзейнасці.

Спецыялісты па міжфірмавым маркетынгу добра ведаюць асаблівасці продажу і закупкі тавараў прамысловага прызначэння (сыравіны, матэрыялаў, вырабаў камплектавання, машын і абсталявання). У гэтай сферы не толькі продаж, але і закупка тавараў, вядуцца на прафесійнай аснове.

У навучальным плане прафілізацыі / спецыялізацыі разам з агульнымі эканамічнымі і маркетынгавымі дысцыплінамі прадугледжаны шэраг спецыялізаваных дысцыплін у модулях "Маркетынгавы інструментарый таварных рынкаў", "Маркетынг у галінах і сферах дзейнасці", "Тэхналогіі закупачнай дзейнасці".

Выпускнікі, якія скончылі гэтую прафілізацыю / спецыялізацыю, працуюць у службах маркетынгу, продажу (збыту), закупак, матэрыяльна-тэхнічнага забеспячэння, арганізацый і прадпрыемстваў вытворчай, гандлёвай і невытворчай сферах. У тым ліку, у арганізацыях аптовага гандлю, лізінгавых кампаніях, знешнегандлёвых арганізацыях і гандлёвых дамах.

Спецыяльнасць «Маркетынг»: Цэнаўтварэнне (Коштавая палітыка)

Навучальны план па гэтай спецыялізацыі дазваляе атрымаць добрую падрыхтоўку ў сферы маркетынгу, а таксама больш грунтоўныя веды па эканоміцы, фінансах, цэнаўтварэнні і кіраванні выдаткамі. Разам з выкананнем агульных маркетынгавых задач, спецыялісты ў галіне маркетынгавага цэнаўтварэння займаюцца планаваннем цэнавых стратэгій і тактык кампаніі, распрацоўваюць і абгрунтоўваюць праграмы лаяльнасці і цэнавага стымулявання. Студэнты вывучаюць шэраг спецыялізаваных дысцыплін у межах модуляў "Фарміраванне цэн на ўнутраным і знешнім рынках", "Цэнавая палітыка і абгрунтаванне цэнавых рашэнняў".

Выпускнікі, якія скончылі гэтую спецыялізацыю, з'яўляюцца запатрабаванымі не толькі ў аддзелах і службах маркетынгу прадпрыемстваў, спецыялізаваных маркетынгавых агенцтвах, але і ў структуры міністэрстваў, установаў і ведамстваў, адказных за распрацоўку цэнавай палітыкі і правядзенне кантролю за правільнасцю яе выканання.

Спецыяльнасць «Лагістыка»

Выпускнікі факультэта спецыяльнасці "Лагістыка" здольныя забяспечыць практычную рэалізацыю канцэпцыі кіравання матэрыяльнымі, інфармацыйнымі і фінансавымі патокамі, накіраваную на павышэнне эфектыўнасці работы, як усяго прадпрыемства ў сукупнасці, так і асобных яго структурных падраздзяленняў.

Дзейнасць спецыяліста ў галіне лагістыкі шматбаковая. Яна ўключае кіраванне матэрыяльнымі патокамі на ўсіх этапах прасоўвання прадукцыі ад вытворцы да спажыўца, у тым ліку і сам працэс вытворчасці.

Спецыялісты ў галіне лагістыкі павінны рабіць матэрыяльныя і інфармацыйныя патокі найбольш рацыянальнымі; укараняць аптымальныя схемы перавозак грузаў; аптымізаваць тавараправодную сетку; рацыяналізаваць матэрыяльныя запасы; скарачаць чэргі, паскараць мытнае афармленне грузаў, спрашчаць абарот дакументаў. Студэнты вывучаюць такія дысцыпліны, як "Лагістыка і кіраванне ланцугамі паставак", "Кіраванне запасамі", "Вытворчая і закупная лагістыка", "Інфармацыйныя тэхналогіі і сістэмы ў лагістыцы".

Выпускнікі, якія скончылі гэтую спецыяльнасць, працуюць у аддзелах лагістыкі, продажу (збыту), закупак, матэрыяльна-тэхнічнага забеспячэння, транспартнага забеспячэння, вытворча-тэхнічных аддзелах, а таксама ў дыспетчарскіх і экспедытарскіх службах, службах мытнага афармлення, спецыялізаваных лагістычных цэнтрах.

Спецыяльнасць "Рэкламная дзейнасць"

Выпускнікі спецыяльнасці працуюць менеджарамі ў арганізацыях са службамі рэкламы, а таксама ў рэкламных івэнт-, брэндынгавых агенцтвах, рэкламна-выдавецкіх арганізацыях, на радыё і тэлебачанні.

Спецыялісты ў рэкламе атрымліваюць не толькі агульную адукацыю ў галіне маркетынгу, але і спецыяльныя веды па сучасных рэкламных тэхналогіях, менеджменце ў рэкламе, дызайне, інструментах інтэрнэт-рэкламы, асновах работы з грамадскасцю, правілах складання рэкламных тэкстаў, вучацца працаваць на камп'ютары з графічнымі рэдактарамі. Студэнты, якія атрымліваюць адукацыю па гэтай спецыяльнасці, вывучаюць такія дысцыпліны, як "Маркетынг", "Тэорыя рэкламы", "Даследаванні ў рэкламнай дзейнасці", "Інавацыі і крэатыў у рэкламе", "Тэхналогіі вытворчасці рэкламнай прадукцыі", вучацца складанню медыя-планаў, распрацоўцы рэкламных канцэпцый, кіраванню рэкламнымі прадуктамі і каналамі.

Навуковая дзейнасць і кадравы патэнцыял

З моманту ўтварэння факультэта ў навучальным працэсе ўжываюцца сучасныя сродкі і тэхналогіі навучання, укаранілася рэйтынгавая сістэма ацэнкі ведаў студэнтаў, ужо распрацаваныя і знаходзяцца ў працэсе ўдасканальвання фірмовы стыль і сімволіка факультэта.

Прафесарска-выкладчыцкі склад факультэта актыўна ўдзельнічае ў выкананні навукова-даследчых і гаспадарчых работ па такіх напрамках, як:

маркетынг узаемаадносін;
лічбавы маркетынг;
міжнародны маркетынг;
маркетынгавыя камунікацыі;
кіраванне маркетынгам;
маркетынг паслуг;
кіраванне рэкламнымі кампаніямі;
маркетынгавыя камунікацыі арганізацый;
кіраванне закупной і збытавай дзейнасцю прадпрыемстваў;
кіраванне таварным асартыментам;
псіхалогія і паводзіны пакупнікоў;
даследаванне таварных рынкаў;
маркетынг інавацыйнага прадпрыемства;
фарміраванне і развіццё лагістычных ланцугоў паставак;
ацэнка лагістычнага патэнцыялу ў інтэграваных ланцугах паставак;
класіфікацыя і ўзаемасувязі ўзроўняў прыняцця рашэнняў пры кіраванні ланцугамі паставак;
развіццё і абгрунтаванне сістэмы закупак;
абгрунтаванне складскіх запасаў.

За апошнія 3 гады выкладчыкамі, аспірантамі і дактарантамі факультэта было апублікавана больш за 50 падручнікаў і навучальных дапаможнікаў, больш за 300 навуковых артыкулаў у галіне лагістыкі, цэнаўтварэння, маркетынгу, маркетынгавых камунікацый. Выкладчыкі факультэта ў 2021-2022 навучальным годзе прынялі ўдзел у больш як 50 навуковых і навукова-практычных канферэнцыях, бізнес-форумах і фестывалях, што праводзяцца ў Рэспубліцы Беларусь і за яе межамі.

Пачынаючы з 2021 года, факультэт праводзіць штогадовае даследаванне стану маркетынгу і перспектываў яго развіцця ў Рэспубліцы Беларусь, у 2022 годзе ўпершыню праведзена даследаванне і ў галіне беларускай лагістыкі. Вынікі гэтых даследаванняў разам са справаздачамі ў галіновых даследаваннях, якія праводзяцца штогод, публікуюцца на сайце факультэта fmk.bseu.by.

Кафедры факультэта знаходзяцца ў моцным кантакце з прадстаўнікамі прафесійнай супольнасці, наладжваюць узаемадзеянне з рознымі прадпрыемствамі і арганізацыямі рэальнага сектара. Кафедрай маркетынгу заключаны дамовы аб супрацоўніцтве і арганізаваны філіялы з Кока-Кола Беўрыджыз Беларусь, ААТ «ММЗ імя С.І. Вавілава – галоўная кампанія холдынгу «БелОМА», ААТ «Інстытут БЕЛАРГСТАНКІНПРАМ». Кафедра лагістыкі і цэнавай палітыкі на працягу 5 гадоў паспяхова супрацоўнічае з ТАА "ОМА". Кафедра прамысловага маркетынгу і камунікацый рэалізуе дамовы аб супрацоўніцтве з ТАА "Вэбкам Груп", ТАА "ЭсЭмДЖы", ТАА "Максі Бай Медыя", ТАА "Белінвестгандаль", ТАА "Сінергія", адкрыла філіял на ЗАТ "Мінскі Завод Безалкагольных напояў" 2021 г. у НК "Асацыяцыя рэкламных арганізацый Рэспублікі Беларусь".

Для павышэння ўзроўню кваліфікацыі і авалодання сучаснымі метадамі выкладання дысцыплін штогод супрацоўнікі кафедр праходзяць курсы павышэння кваліфікацыі і прафесійныя курсы ў галіне маркетынгу і лагістыкі. У 2021 годзе 17 супрацоўнікаў прайшлі названыя курсы і прынялі ўдзел у прафесійных адукацыйных праграмах, за апошнія 5 гадоў прафесарска-выкладчыцкі склад кафедр 72 разы прайшоў павышэнне кваліфікацыі рознай скіраванасці, у тым ліку па авалоданню метадамi выкладання на англійскай мове. Дзякуючы сталаму развіццю і нарошчванню кадравага патэнцыялу, ў 2022 г. факультэт пачаў рэалізацыю праграм падвойных дыпломаў, была падрыхтавана навучальная дакументацыя па спецыяльнасці "Маркетынг" (Міжнародны маркетынг") для навучання студэнтаў 1 ступені на англійскай мове, у 2021 годзе была рэалізавана падрыхтоўка магістрантаў па спецыяльнасці «Маркетынг на англійскай мове» (прафілізацыя «Міжнародны маркетынг»).

Кіраўніцтвам факультэта падтрымліваюцца бізнес-сувязі з кіраўнікамі буйных арганізацый і прадпрыемстваў рэспублікі, дзе студэнты праходзяць навучальную практыку. На факультэце створаны спрыяльныя ўмовы для заняткаў студэнтаў у гуртках па інтарэсах, спортам, мастацкай самадзейнасцю. Усё гэта стварае выдатную аснову для высакаякаснай падрыхтоўкі спецыялістаў.

Ва многіх айчынных арганізацыях працуюць нашы таленавітыя выпускнікі – прафесіяналы ў сферах маркетынгу, рэкламы і лагістыкі, якiя ўносяць значны ўклад у станаўленне і развіццё новай беларускай эканомікі.