Інфармацыя для СМІ

Паважаныя прадстаўнікі сродкаў масавай інфармацыі!

Беларускі дзяржаўны эканамічны ўніверсітэт (БДЭУ) заўсёды гатовы аператыўна арганізаваць інтэрв'ю са спецыялістамі, падрыхтаваць неабходную інфармацыю, афіцыйныя каментарыі, удакладніць парадак арганізацыі фота- і відэаздымкі на розных мерапрыемствах, якія праводзяцца БДЭУ.

З мэтай зрабіць сумесную працу якаснай, аператыўнай і эфектыўнай рэкамендуем прытрымлівацца наступнага парадку падачы запытаў для атрымання інфармацыі:

1. Запыты павінны быць аформлены на рэдакцыйным бланку з указаннем, калі і дзе будзе выкарыстоўвацца прадстаўленая інфармацыя.
2. Запыты павінны змяшчаць спіс пытанняў, а таксама кантактныя дадзеныя рэдакцыі і карэспандэнта (тэлефон, e-mail).
3. Запыты накіроўваюцца на імя начальніка аддзела масмедыя і PR-тэхналогій.
4. Журналісты замежных сродкаў масавай інфармацыі павінны мець пасведчанне аб акрэдытацыі ў Рэспубліцы Беларусь, выдадзенае Міністэрствам замежных спраў Рэспублікі Беларусь.
5. Запыты прымаюцца на электронны адрас: press@bseu.by.