14.04.2020
БДЭУ і Універсітэт Чжэцзян-Шужень падпісалі Пагадненне аб супрацоўніцтве
10 красавіка ў ходзе відэаканферэнцыі адбылося падпісанне Пагаднення аб супрацоўніцтве паміж Беларускім дзяржаўным эканамічным універсітэтам і Універсітэтам Чжэцзян-Шужень (КНР).
Сустрэча, у якой прынялі ўдзел рэктары двух універсітэтаў, была арганізавана па відэасувязі. Мерапрыемства прайшло ў атмасферы ўзаемаразумення і цікавасці.
Рэктары адзначылі гатоўнасць паглыбляць адносіны памiж універсітэтамі. Прадстаўнікі кітайскага боку падзякавалі Беларусь за падтрымку ў цяжкай эпідэміялагічнай сітуацыі і падкрэслілі важнасць пашырэння дзелавых кантактаў з такімі надзейнымі партнёрамі, як БДЭУ. У сваю чаргу Вячаслаў Шуцілін запэўніў кітайскага калегу у тым, што добрыя адносіны паміж беларускімі і кітайскімі навучальнымі ўстановамі сталі ўжо даўняй традыцыяй.
Пасля цырымоніі падпісання Пагаднення аб супрацоўніцтве была дасягнута дамоўленасць аб узаемных візітах прадстаўнікоў двух універсітэтаў пасля нармалізацыі эпідэміялагічнага становішча.
Тэл.: (+375 17) 209-88-16,
ПРЫЁМНАЯ КАМІСІЯ
Тэл.: (+375 17) 209-88-99