02.10.2020
Правядзенне першага этапу адбору кандыдатур на навучанне за мяжой у 2020 годзе
Ва ўстановах вышэйшай адукацыі, падпарадкаваных Міністэрству адукацыі Рэспублікі Беларусь, праводзіцца першы этап адбору кандыдатур на навучанне за мяжой у 2020 годзе з ліку грамадзян Рэспублікі Беларусь, якія навучаюцца на дзённай форме атрымання вышэйшай адукацыі за кошт сродкаў рэспубліканскага бюджэту, як правіла, на II ступені вышэйшай адукацыі, у адпаведнасці з нормамі Палажэння аб парадку накіравання на навучанне ў арганізацыях замежных дзяржаў у рамках атрымання вышэйшай і паслявузаўскай адукацыі ў Рэспубліцы Беларусь, зацверджанага пастановай Савета Міністраў Рэспублікі Беларусь ад 30 лістапада 2011 г. № 1617 (далей – Палажэнне).
Накіраванне студэнтаў на навучанне за мяжу ажыццяўляецца за кошт сродкаў рэспубліканскага бюджэту на тэрмін, як правіла, не больш за адзін год з мэтай павышэння ўзроўню тэарэтычнай і практычнай падрыхтоўкі навучэнцаў, авалодання найноўшымі тэхналогіямі і метадамі, правядзення навукова-даследчай работы па спецыяльнасцях, якія не атрымалі дастатковага развіцця ў Рэспубліцы Беларусь.
Неабходнымі ўмовамі ўдзелу грамадзян у адборы на навучанне за мяжой з'яўляюцца сярэдні бал бягучай атэстацыі не ніжэй за 8 балаў па дзесяцібальнай шкале пры атрыманні вышэйшай адукацыі і валоданне замежнай мовай у аб'ёме, дастатковым для паспяховай рэалізацыі мэтаў навучання ў адпаведнасці з патрабаваннямі.
Для ўдзелу ў адборы студэнту неабходна да 2 кастрычніка 2020 г. падаць на імя рэктара заяву з абгрунтаваннем неабходнасці навучання за мяжой з дадаткам адпаведных дакументаў, а таксама праінфармаваць пра гэта ВМУМС.
Пералік дакументаў, парадак правядзення і іншыя ўмовы адбору рэгламентаваны п. 8 Палажэння.
Для атрымання больш падрабязнай інфармацыі зацікаўленым асобам неабходна звяртацца ў ВМУМС (тэл.: 209-88-32, 209-78-02, каб. 15).
Тэл.: (+375 17) 209-88-16,
факс: (+375 17) 368-01-60
ПРЫЁМНАЯ КАМІСІЯ
Тэл.: (+375 17) 209-88-99