БЕЛАРУСКI ДЗЯРЖАЎНЫ
ЭКОНАМIЧНЫ ЎНIВЕРСIТЭТ

9 жніўня сталічны заапарк адзначаў свой Дзень нараджэння. Нашыя студэнты прымалі актыўны ўдзел у святочных мерапрыемствах і стваралі атмасферу радасці і весялосці для наведвальнікаў.

Мінскі заапарк быў адкрыты 9 жніўня 1984 года ў дзень 40-годдзя Мінскага аўтазавода. Зваўся ён тады - Заабатанічны сад МАЗа. Цяпер заапарк - гэта больш за 450 відаў жывёл, цёплыя павільёны, утульныя кафэ і вясёлыя атракцыёны. Штогод гэтае месца прыцягвае тысячы мінчан і гасцей сталіцы. У 38 Дзень нараджэння наведвальнікі заапарка змаглі не толькі палюбавацца багатай калекцыяй, але і паўдзельнічаць у вясёлай святочнай праграме.

Сустракалі гасцей, гулялі з дзецьмі на інтэрактыўных пляцоўках і пазіравалі на фатаграфіях у касцюмах клоунаў - студэнты нашага ўніверсітэта! Іх праца была ацэнена па заслугах — хлопцы расказваюць аб сотнях фатаграфій, на якіх бацькі іх захавалі разам з дзецьмі. Удзельнічалі ў конкурсах, слухалі музыку, разглядалі жывёл і танчылі на пеннай дыскатэцы - дзецям на свяце было чым заняцца. А што наконт братоў нашых меншых? Насельнікі дабрадушна давалі сябе пагладзіць у кантактнай частцы заапарка, гулялі і з задавальненнем прымалі ад усіх свежую гародніну і садавіну. Час праляцеў неўзаметку!

Калектыву Мінскага гарадскога заапарка выказваем падзяку за шматгадовае супрацоўніцтва! Жадаем усяму складу ўнікальнага музея жывой прыроды здароўя, росту і развіцця!