16.09.2022

Дыктант “Дзень народнага адзінства”

Да Дню народнага адзінства 16 верасня Міністэрства адукацыі Рэспублікі Беларусь арганізавала для ўсіх устаноў адукацыі тэматычны дыктант. На базе Мінскага дзяржаўнага лінгвістычнага ўніверсітэта дыктант пісалі Міністр адукацыі Андрэй Іванавіч ІВАНЕЦ і прадстаўнікі Маладзежнага парламента. Далучыліся да акцыі і студэнты БДЭУ.

Дыктант “Дзень народнага адзінства” напісалі студэнты і супрацоўнікі факультэта міжнародных бізнэс-камунікацый. “Выкладчыкам” выступіў Старшыня Саюза пісьменнікаў Алесь Карлюкевіч.

Дыктоўка па тэме Дня народнага адзінства пачынае Тыдзень роднай мовы. Міністэрства адукацыі падрыхтавала план мерапрыемстваў на кожны дзень тыдню, у тым ліку акцыі для моладзі, сустрэчы са знакамітымі пісьменнікамі, чытанне вершаў, квэсты.