01.11.2022

«Валанцёрскі навігатар»

Рэспубліканскі валанцёрскі цэнтр з 28 па 30 кастрычніка рэалізаваў першы этап рэспубліканскага адукацыйнага праекта "Валанцёрскі навігатар", у якім прынялі ўдзел прадстаўнікі БРСМ і прафсаюза ФЭМ.

Асновы валанцёрства, прамоўніцкае майстэрства, эфектыўная камунікацыя, канфлікталогія, асабістая эфектыўнасць, тайм-мэнэджмент – усё гэта пра 3 дні рэспубліканскага адукацыйнага праекту «Валанцёрскі навігатар», дзе больш за 80 удзельнікаў з усёй краіны прапампоўвалі сябе!

Што ў выніку? Новыя веды, карысныя кантакты, сумесныя ідэі, магутная матывацыя для далейшай працы ў якасці валанцёраў!

Нагадаем, што «Валанцёрскі навігатар» - праект па навучанні добраахвотнікаў з мэтай павышэння іх ведаў, уменняў і навыкаў, якія яны змогуць прымяняць на практыцы, удзельнічаючы ў самых буйных мерапрыемствах нашай краіны або за мяжой. Праект рэалізуецца пры падтрымцы Міністэрства адукацыі Рэспублікі Беларусь і Дзіцячага Фонду ААН "ЮНІСЕФ".