БЕЛАРУСКI ДЗЯРЖАЎНЫ
ЭКОНАМIЧНЫ ЎНIВЕРСIТЭТ

16 студзеня дэкан факультэта міжнародных бізнес-камунікацый Юлія Аляксандраўна ШАЎРУК у якасці аднаго з ключавых экспертаў прыняла ўдзел у круглым стале "Міжнародны менеджмент у часы турбулентнасці", які праходзіў у рамках Зімовай онлайн-школы па міжнароднаму менеджменту на англійскай мове Інстытута эканомікі і менеджменту Томскага дзяржаўнага універсітэта.

Заяўкі на ўдзел у школе даслалі 211 чалавек з 26 краін свету - акрамя Расіі і Кітая, гэта краіны Цэнтральнай і Паўднёва-Усходняй Азіі, Афрыкі, Лацінскай Амерыкі. Па запрашэнні арганізатараў разам з прадстаўніком ад БДЭУ у круглым стале прынялі ўдзел намеснік губернатара Томскай вобласці па інвестыцыях Васіль Пацёмкін, начальнік абласнога дэпартамента міжнародных і рэгіянальных сувязей Аляксей Стуканаў, выкладчыкі ТДУ, СПбДУ, прафесары вядучых ВНУ Еўропы і Індыі. Удзельнікі круглага стала падзяліліся экспертнымі меркаваннямі аб бягучых тэндэнцыях глабальнага развіцця і адаптацыі да іх бізнесу, абмеркавалі перспектывы вырашэння задач з улікам новых выклікаў у сферы менеджменту.

Выступленне Юліі Аляксандраўны Шаўрук з навуковым дакладам на міжнародным круглым стале адкрыла шэраг мерапрыемстваў, якія праводзяцца пры непасрэдным удзеле БДЭУ напярэдадні Дня беларускай навукі.