БЕЛАРУСКI ДЗЯРЖАЎНЫ
ЭКОНАМIЧНЫ ЎНIВЕРСIТЭТ

25 студзеня ў кожнай установе адукацыі вялася прамая трансляцыя семінара "Рэспубліка Беларусь: ад вытокаў да сучаснасці (гістарычны шлях дзяржаўнага будаўніцтва)". Пад кіраўніцтвам старшыні Савета Рэспублікі Наталлі КАЧАНАВАЙ на базе Акадэміі кіравання пры Прэзідэнце Рэспублікі Беларусь сабраліся выдатныя вучоныя-гісторыкі, каб у сваіх дакладах падрабязна прааналізаваць падзеі, якія адбіліся на нацыянальным характары грамадства.

У адной з аўдыторый Беларускага дзяржаўнага эканамічнага ўніверсітэта прамую трансляцыю глядзелі разам з рэктарам. Аляксей ЯГОРАЎ слухаў спікераў з прарэктарам па выхаваўчай працы Сяргеем СКРЫБАЙ, дэканамі факультэтаў і іх намеснікамі, кіраўнікамі структурных падраздзяленняў і студэнтамі. За амаль тры гадзіны калектыў універсітэта пачуў дакладныя гістарычныя факты, якія стварылі перадумовы для фарміравання незалежнай дзяржавы - Рэспублікі Беларусь.

Старшыня Савета Рэспублікі ад імя ўдзельнікаў семінара і ад сябе асабіста выказала глыбокую ўдзячнасць тым, хто сёння супрацьстаіць спробам скажэння гісторыі на інфармацыйным і ідэалагічным фронце, хто ўдзельнічае ў выяўленні гістарычных фактаў і ўвекавечанні памяці, хто сваёй штодзённай стараннай навуковай, педагагічнай, экспертнай дзейнасцю, грамадскімі. справамі, народнай дыпламатыяй уносіць асабісты ўклад у фарміраванне і рэалізацыю гістарычнай палітыкі краіны. "Гэта дарагога каштуе. Мы ўбачылі, як гэта важна", - склала Наталля Качанава.