БЕЛАРУСКI ДЗЯРЖАЎНЫ
ЭКОНАМIЧНЫ ЎНIВЕРСIТЭТ

Дзень беларускай навукі - прафесійнае свята ўсіх дзеячаў навукі, у тым ліку выкладчыкаў, студэнтаў, магістрантаў, аспірантаў. 20 студзеня на кафедры маркетынгу БДЭУ адбыўся Навукова-метадычны семінар, прысвечаны надыходзячаму святу. У мерапрыемстве прынялі ўдзел выкладчыкі, навуковыя работнікі, аспіранты і суіскальнікі; былі прадстаўлены даклады аб даследчай працы ў рамках вывучэння выбраных тэм пры напісанні дысертацый.

Семінар, прысвечаны арганізацыі і вопыту работы на практыцы, распрацоўкам, а таксама перспектывам развіцця сучасных методык, адкрыў загадчык кафедры маркетынгу Вадзім Сяргеевіч Голік.

У мерапрыемстве прагучаў даклад начальніка лакалізацыі завода СЗАТ "БЕЛДЖЫ" Джан Кана на тэму "Маркетынгавыя магчымасці развіцця сумеснага аўтамабілебудавання Рэспублікі Беларусь і Кітая" (кір.: к.э.н, дацэнт Голік В.С.).

Былі адзначаны даклады аспірантаў кафедры маркетынгу Клінцэвіча Я.У. на тэму "Метадычнае забеспячэнне маркетынгу ўзаемаадносін у сферы тэлекамунікацыйных паслуг" (кір.: к.э.н, дацэнт Маразевіч А.А.) і Тарасёнак З.М. па тэме дысертацыйнага даследавання "Маркетынгавыя магчымасці інавацыйнага развіцця індустрыі гасціннасці" (кір.: к.э.н, дацэнт Дземчанка А.У.).

Цікавыя выступленні былі прадстаўлены суіскальнікам Калоднік Т.Дз. на тэму «Метадычнае забеспячэнне лічбавага маркетынгу» (кір.: к.э.н, дацэнт Голік В.С.), аспірантам Нянь Чэнем на тэму «Кіраванне лаяльнасцю кліентаў з выкарыстаннем інтэрнэт-рэсурсаў» (кір.: к.с.- х.н., дацэнт Основін С.В.).

Аўдыторыя актыўна дыскусіравала і абмяркоўвала методыкі, выкладзеныя ў навуковых працах, прагучалі прапановы ў рамках узнятых тэм.

У арганізацыі мерапрыемства бралі ўдзел: канд. экан. навук, дацэнт кафедры маркетынгу Сушкевіч А.А.; канд. экан. навук, дацэнт кафедры маркетынгу Дземчанка А.У.