БЕЛАРУСКI ДЗЯРЖАЎНЫ
ЭКОНАМIЧНЫ ЎНIВЕРСIТЭТ

Цэнтралізаваны экзамен (ЦЭ) - абавязковы выпускны іспыт для 11-х класаў. 28 студзеня па ўсёй рэспубліцы пройдзе рэпетыцыя ЦЭ па навучальных прадметах. Мэта - адпрацоўка працэдуры правядзення новай формы атэстацыі навучэнцаў 11-х класаў і вызначэння выпускнікамі ўзроўню сваёй падрыхтоўкі па прадметах. Беларускі дзяржаўны эканамічны ўніверсітэт прыме ўдзел у гэтым мерапрыемстве і прадаставіць свае аўдыторыі для будучых выпускнікоў.

На рэпетыцыйным ЦЭ пры сабе неабходна мець:

- пропуск і пасведчанне асобы (пашпарт),
- гелевую ручку чорнага колеру,
- калькулятар без дадатковых функцый (па прадметах "хімія", "фізіка").

Час на ЦЭ па прадмеце:
- матэматыка і фізіка - 210 хвілін,
- хімія - 150 хвілін,
- біялогія - 120 хвілін,
- мовы (руская, беларуская, замежныя) - 120 хвілін,
- гісторыя Беларусі, сусветная гісторыя, геаграфія, грамадазнаўства - 90 хвілін.

УВАГА!
Пачатак экзамена ў 11:00. Навучэнцам неабходна прыбыць ва ўніверсітэт і прайсці рэгістрацыю не пазней за 10:00.

ДАВЕДКА

Цэнтралізаваны экзамен пройдзе ў канцы навучальнага года:

Для 11-х класаў – два выпускныя экзамены (у форме адзінага цэнтралізаванага экзамену):

• беларуская ці руская мова (на выбар вучня):

асноўны дзень - 14 мая 2023 года (нядзеля),
рэзервовыя дні - 23 мая, у ліпені ў даты правядзення ЦТ у рэзервовыя дні, 21 жніўня 2023 года.

• Прадмет на выбар*:

асноўны дзень - 21 мая 2023 года (нядзеля),
рэзервовыя дні - 25 мая 2023 года, у ліпені ў даты правядзення ЦТ у рэзервовыя дні, 23 жніўня 2023 года.

ЦЭ ўяўляе сабой тэставае заданне, якое складаецца з часткі А (з выбарам адказу) і часткі В (з запісам адказу ў выглядзе слова ці лікі).

Вынікі ЦЭ афармляюцца сертыфікатам і ўлічваюцца пры выстаўленні выніковай адзнакі ў атэстат.

Экзамены ў форме ЦЭ здаюцца ў пунктах правядзення ЦЭ.

Плануецца, што ЦЭ будуць здаваць каля 53 тыс. выпускнікоў 11-х класаў.

*Пералік вучэбных прадметаў: фізіка, матэматыка, хімія, біялогія, замежная мова (англійская, нямецкая, іспанская, французская, кітайская), гісторыя Беларусі, сусветная гісторыя (новы час), геаграфія, грамадазнаўства.

Прадмет на выбар выпускнікі 11-га класа выбіраюць з пераліку прадметаў, якія здаюцца на ЦТ, каб у далейшым паступаць у ВНУ.

Крыніца: Міністэрства адукацыі Рэспублікі Беларусь