РуEnCn

БЕЛАРУСКI ДЗЯРЖАЎНЫ
ЭКОНАМIЧНЫ ЎНIВЕРСIТЭТ

6 лютага ў БДЭУ адбылася сустрэча з пастаянным партнёрам і добрым сябрам універсітэта - Дабрачынным фондам падтрымкі навучання і развіцця таленавітых студэнтаў TECF (КНР). Фонд адбірае таленавітых навучэнцаў кітайскіх школ, сумесна з БДЭУ навучае іх расейскай мове і накіроўвае на навучанне ў Беларусь. Шмат увагі ў 2022 годзе надавалася сумесным мерапрыемствам гуманітарнага абмену, прымеркаваным да 30-годдзя ўстанаўлення дыпламатычных адносін паміж Рэспублікай Беларусь і Кітайскай Народнай Рэспублікай. Студэнты БДЭУ прынялі актыўны ўдзел у такіх мерапрыемствах, і лепшыя з іх будуць адзначаны спецыяльнымі дыпломамі і прызамі.

У ходзе сустрэчы генеральнага сакратара Фонду ТЯН Дзі і прарэктара па вучэбнай рабоце Вольгі Анатольеўны МАРАЗЕВІЧ абмяркоўваліся перспектывы развіцця сумеснага супрацоўніцтва па трох важных для дзвюх арганізацый напрамках: стварэнне сумесных адукацыйных праграм з універсітэтамі і каледжамі КНР у фарматах «2+2+1» і «3 +1+1», адкрыццё праграм магістратуры па актуальных для кітайскага рынку прафілізацыях, а таксама ўдзел Фонду ў навучанні беларускіх студэнтаў кітайскай мове і стварэнні магчымасцей узаемнага вывучэння беларускім і кітайскім бакамі мовы, культуры і нацыянальных традыцый.

Прыемна, што намаганні ўніверсітэта, накіраваныя на развіццё рознабаковых узаемаадносін з КНР, адзначаны Пасольствам Рэспублікі Беларусь у Кітайскай Народнай Рэспубліцы, з якім Фонд падтрымлівае цесныя сувязі, рэалізуючы ўсе нашы сумесныя праекты. Віншавальны ліст ад Амбасады перададзены кіраўніцтву ўніверсітэта.

Мы спадзяемся, што супрацоўніцтва будзе толькі набіраць абароты, і многае з запланаванага будзе рэалізавана ўжо сёлета. У рамках Міжнароднай адукацыйнай выставы "China Education Expo", якая пройдзе 17-18 лютага ў Пекіне (КНР), запланавана падпісанне рабочай праграмы з Фондам і Мемарандумаў аб узаемаразуменні з шэрагам адукацыйных устаноў КНР.

PlayStop