БЕЛАРУСКI ДЗЯРЖАЎНЫ
ЭКОНАМIЧНЫ ЎНIВЕРСIТЭТ

10 лютага ў актавай зале БДЭУ адбылося ўрачыстае ўручэнне дыпломаў аб вышэйшай адукацыі выпускнікам факультэта міжнародных бізнес-камунікацый.

Студэнты атрымалі віншаванні і цёплыя пажаданні ад прарэктара па вучэбнай рабоце Вольгі Анатольеўны МАРАЗЕВІЧ, ад дэкана факультэта Юліі Аляксандраўны ШАЎРУК, загадчыкаў кафедр. Арыгінальныя відэавіншаванні для сваіх студэнтаў запісалі выкладчыкі факультэта.

Ад імя выпускнікоў з кранальнай прамовай выступілі Юлія Веліканава і Вераніка Агафонава, якія выказалі падзяку кіраўніцтву ўніверсітэта, факультэта, выкладчыкам, аднакурснікам і, вядома, любімым бацькам, якія падтрымлівалі іх на працягу чатырох з паловай гадоў вучобы. Самыя актыўныя выпускнікі былі ўзнагароджаны граматамі за выдатную вучобу і ўдзел у жыцці ўніверсітэта і факультэта.

Дарагія выпускнікі, няхай атрыманыя веды дапамогуць вам у пабудове бліскучай кар'еры і ваш далейшы шлях будзе лёгкім, паспяховым і шчаслівым!

ФМБК - адзін з самых маладых факультэтаў БДЭУ, які ў лістападзе 2022 года адсвяткаваў сваё 20-годдзе. Выпускнікі ФМБК паспяхова працуюць у зусім розных сферах: ад PR да IT, ад event-агенцтваў да дыпламатычных устаноў. Многія працягваюць навучанне ў магістратуры і застаюцца выкладаць у родным універсітэце, перадаючы веды будучым спецыялістам.