16.02.2023

Афганістан - наша памяць і боль

15 лютага студэнты ўлікова-эканамічнага факультэта сустрэліся са старшынёй грамадскага аб'яднання "Асацыяцыя інвалідаў вайны ў Афганістане" Сяргеем Анатольевічам Красоўскім.

Выпускнік БДЭУ, удзельнік вайны прывёз з сабой выставу "Афганістан — наша памяць і боль", на якой былі прадстаўлены ўзоры ўзбраення і абмундзіравання савецкай арміі перыяду вайны ў Афганістане, узоры мінна-выбухных загарод, трафейнага ўзбраення і абмундзіравання войска суперніка.

Сяргей Анатольевіч пагутарыў з хлопцамі і расказаў пра апошнюю вайну, на якой салдаты і афіцэры, народжаныя ў Беларусі, ішлі пад кулі.

За мужнасць і гераізм Сяргей Анатольевіч Красоўскі ўзнагароджаны Ордэнам Чырвонай Зоркі, ордэнам ПДВ ім. Маргелава, а таксама медалём "За ратную доблесць", медалямі I і II ступені "За заслугі перад Айчынай". Усяго Сяргей Анатольевіч мае 24 узнагароды СССР і Рэспублікі Беларусь.