БЕЛАРУСКI ДЗЯРЖАЎНЫ
ЭКОНАМIЧНЫ ЎНIВЕРСIТЭТ

15 лютага 1989 года адбыўся вывад савецкіх войскаў з Афганістана, вайна ў якім доўжылася 9 гадоў 1 месяц і 18 дзён. У гэты памятны дзень прафесарска-выкладчыцкі склад і студэнты ФКТІ ўшанавалі памяць воінаў-інтэрнацыяналістаў, якія аддалі свае жыцці, усклаўшы кветкі да мемарыяла «Востраў Мужнасці і Смутку».

У мерапрыемстве прынялі ўдзел сакратар ПА БРСМ ФКТІ Анастасія Меркур'ева, групоргі БРСМ 1-2 курсаў ФКТІ, аўтар музыкі «Танга няздзейсненых надзей» (Афганістанскае танга), старшыня камісіі па працы з моладдзю пры рэспубліканскай радзе «Беларускага грамадскага аб'яднання» кіраўнік групы па ўвекавечанні памяці загінуўшых пры РС БГАВ, прафесар кафедры ФХМіПТ Канстанцін Фёдаравіч Саевіч, ветэран-інтэрнацыяналіст Алег Аляксандравіч Галавач і загадчыца кафедры філасофіі Ала Анатольеўна Галавач.

У гэты ж дзень адбылася сустрэча з ветэранамі-інтэрнацыяналістамі Афганістана, якія падрабязна расказалі пра тую вайну і пра гераізм беларусаў. Акрамя гэтага, было расказана аб войнах-інтэрнацыяналістах нашага ўніверсітэта, якія стварылі першасную арганізацыю пры «Беларускім саюзе ветэранаў вайны ў Афганістане».

У Аўганістане з 1979 па 1989 гады праходзілі службу каля 30 тысяч ураджэнцаў Беларусі. З іх 771 чалавек загінуў, 12 чалавек лічацца зніклымі, больш за паўтары тысячы атрымалі раненні і калецтвы, 718 сталі інвалідамі. Сёння ў адным толькі Мінску жывуць больш за чатыры тысячы ветэранаў вайны ў Афганістане, з іх - больш за 200 інвалідаў, а таксама 97 сем'яў - бацькі і ўдовы загінуўшых воінаў-інтэрнацыяналістаў.