БЕЛАРУСКI ДЗЯРЖАЎНЫ
ЭКОНАМIЧНЫ ЎНIВЕРСIТЭТ

16 лютага ў рамках афіцыйнага візіту ў Рэспубліку Беларусь БДЭУ наведала дэлегацыя Рэспублікі Калмыкія (Расійская Федэрацыя).

У ліку ганаровых гасцей нашага ўніверсітэта былі дарадца Кіраўніка Рэспублікі Калмыкія Уладзімір Вячаслававіч САЛЫКАЎ, выконваючы абавязкі кіраўніка Агенцтва па справах моладзі Рэспублікі Калмыкія Наталля Аляксееўна БОЛДЫРЭВА, рэктар ФДБОУ ВА «Калмыцкі дзяржаўны ўніверсітэт імя Б.Б.Гарадавікова» Бадма Каціновіч САЛАЕЎ. БДЭУ на перагаворах прадстаўлялі першы прарэктар Алена Фёдараўна КІРЭЕВА, прарэктар па навукова-метадычнай рабоце Таццяна Уладзіміраўна САДОЎСКАЯ, а таксама намеснік дэкана факультэта міжнародных бізнес-камунікацый Руслан Ягоравіч ГАНЧАРОЎ і загадчык кафедры англійскай і ўсходніх моў Алена Аляксандраўна МАЛАШЭНКА.

У ходзе перагавораў прадстаўнікі кіраўніцтва БДЭУ і КалмДУ абмяняліся падрабязнай інфармацыяй аб прыярытэтных напрамках дзейнасці абодвух універсітэтаў, абмеркавалі перспектывы супрацоўніцтва ў адукацыйнай і навуковых сферах, выказалі гатоўнасць да абмену вопытам. Замацавала вынікі перагавораў урачыстае падпісанне Пагаднення аб супрацоўніцтве. Бакі абмяняліся памятнымі сувенірамі, а першы прарэктар БДЭУ Алена Фёдараўна Кірэева запрасіла ганаровых гасцей прыняць удзел у святкаванні 90-гадовага юбілею ўніверсітэта ў маі 2023 года.

Адзначым, што КалмДУ з'яўляецца адной з вядучых ВНУ паўднёвай часткі Расійскай Федэрацыі. Гэта інавацыйная пляцоўка для правядзення навуковых форумаў, міжнародных і агульнарасійскіх канферэнцый па шырокім коле пытанняў, прысвечаных праблемам экалогіі, гуманітарных даследаванняў, вышэйшай і сярэдняй адукацыі, мангалазнаўства і ўсходазнаўства, этнапедагагікі, будыйскай культуры. І, нягледзячы на самавітую адлегласць паміж Мінскам і Элістай, у БДЭУ і КалмДУ дастаткова шмат кропак судакранання, што адкрывае магчымасці для далейшага плённага супрацоўніцтва.